Лукашэнка ўхваліў стварэнне Беларускай цэментнай карпарацыі
Аляксандр Лукашэнка ўхваліў стварэнне нацыянальнай холдынгавай структуры «Беларуская цэментная карпарацыя». Пра гэта ішла гаворка 16 жніўня падчас наведвання прэзідэнтам філіяла «Крычаўцэмент» ААТ «Крычаўцэментнашыфер» (Магілёўская вобласць).
Плануецца, што ў склад холдынга ўвойдуць тры прадпрыемствы па вытворчасці цэменту — Беларускі цэментны завод, ААТ «Краснасельскбудматэрыялы» і ААТ «Крычаўцэментнашыфер», а таксама
У выніку інтэграцыі чакаецца зніжэнне сабекошту будаўнічых матэрыялаў, вырабленых на аснове цэменту і вапны, рост валавога дададзенага кошту, рэнтабельнасці продажу, выручкі на аднаго работніка, асваенне новых відаў канкурэнтаздольнай прадукцыі з цэменту з высокім дададзеным коштам, пашырэнне рынкаў збыту, рост аб’ёмаў продажы і валютнай выручкі.
«Калі вы вырашылі ствараць такі холдынг, кіраўнікі прадпрыемстваў не супраць, гэта прынясе эфектыўнасць, — дзейнічайце», — цытуе Лукашэнку дзяржаўнае агенцтва БелТА.
«Але калі вы такім чынам думаеце зарэтушаваць праблемы — не атрымаецца. У канцы павінна быць эканоміка, эфектыўнасць. Я не буду у вас пытацца, па якой цане закупляеце сыравіну, прадаяце гатовую прадукцыю, мяне будзе цікавіць агульны вынік. Таму, робячы гэты крок, адразу думайце, як вы будзеце рабіць справаздачу па эканоміцы», — адзначыў кіраўнік дзяржавы.
Паводле яго слоў, холдынг павінен паказваць эфектыўную працу. «Прыбытак, рэнтабельнасць — гэта добра, але павінны быць грошы», — дадаў Лукашэнка. Стварэнне такога холдынга павінна быць неабходнасцю, а не данінай модзе, лічыць ён.
Ціханоўская і Зяленскі ўпершыню правялі сустрэчу. Зяленскі запрасіў Святлану ў Кіеў14
Каментары