Hamialčuk pamyłkova zabraŭ z kamiery zachoŭvańnia 110 młn rubloŭ. Milicyja prosić viarnuć
Milicyja zaklikaje žychara Homiela, jaki zabraŭ ź jačejki zachoŭvańnia ŭ adnym z mahazinaŭ horada 110 miljonaŭ rubloŭ, dobraachvotnaja viarnuć ich uładalniku.
Jak paviedamiŭ BiełaPAN načalnik adździeła kryminalnaha vyšuku Centralnaha RAUS Hienadź Mielnik, zajaviŭ ab prapažy
Bieły pakiet, u jakim akramia bujnoj hrašovaj sumy lažali dva pakiety małaka, mužčyna pakłaŭ u jačejku kamiery zachoŭvańnia. Pakul jon znachodziŭsia ŭ handlovaj zale, inšy mužčyna, vierahodna vypadkova, adčyniŭ jačejku kamiery zachoŭvańnia, u jakoj znachodziŭsia pakiet sa 110 miljonami, i zabraŭ jaho.
«My prahledzieli kamiery videanazirańnia. Kluč ad jačejki № 1 padyšoŭ da susiedniaj jačejki № 2. Bolš za toje, u jačejkach byli absalutna adnolkavyja biełyja pakiety, dzie źvierchu lažała małako, pryčym adnaho i taho ž vytvorcy i navat adnolkavaj tłustaści. Mužčyna pamyłkova ŭstaviŭ kluč u zamok susiedniaj jačejki i zabraŭ čužy pakiet, ničoha nie zapadozryŭšy. Zajaŭnik ža, kali viarnuŭsia z pakupkami, ubačyŭ, što jačejka pustaja, ale adčyniena susiedniaja, u jakoj staić dakładna taki ž pakiet, z małakom źvierchu. U pakiecie jašče lažali zaradnaja pryłada, posud, tabletki ad cisku», — raskazaŭ Mielnik.
Zaraz milicyja šukaje mužčynu, jaki niečakana razbahacieŭ na 110 miljonaŭ. Pavodle słoŭ načalnika adździeła kryminalnaha vyšuku, da 30 žniŭnia jon moža dobraachvotna viarnuć hrošy, u hetym vypadku jon budzie vyzvaleny ad adkaznaści. U inšym vypadku žychara Homiela čakaje kryminalny pieraśled.
Pra svaju znachodku ŭładalnik 110 miljonaŭ moža paviedamić pa telefonie ŭ Homieli (
Ciapier čytajuć
Šakujučaja strata hoda, tajamničyja źniknieńni, dykpiki i departacyi — asnoŭnyja ludzi i padziei 2025 hoda5
Kamientary