Kiraŭnik Litvy paśla sustrečy z Abamam: Bačym novuju palityčnuju trajektoryju
Prezident Litvy Dala Hrybaŭskajcie ŭ piatnicu ŭviečary ŭ Vašynhtonie sustrełasia z prezidentam ZŠA Barakam Abamam.
Pavodle słovaŭ kiraŭnika Litvy, u zamiežnaj palitycy ZŠA bačny pavarot u bok paŭnočnych i bałtyjskich krain, i heta dobraja navina dla Litvy.
«My abmierkavali ŭsio važnaje dla Litvy, bo heta važna nie tolki dla našaha rehijona, ale i dla ZŠA. ZŠA cudoŭna razumiejuć značnaść bałtyjskich krain, asabliva ciapier, u kantekście supracoŭnictva pamiž paŭnočnymi krainami i krainami Bałtyi. Nie biez padstavy prezident ZŠA na nastupnym tydni jedzie ŭ Stakholm i sustreniecca z kiraŭnikami piaci paŭnočnych krain. My bačym novuju hieapalityčnuju trajektoryju, jakoj ZŠA pačynajuć nadavać usio bolš uvahi — heta krainy Bałtyi i paŭnočnyja krainy», — skazała Hrybaŭskajcie.
Sustreča prachodziła ŭ toj čas, kali kryzis u Siryi dasiahnuŭ apahieju, kali ŭvieś śviet čakaje rašeńnia ZŠA ŭ suviazi z pavietranymi atakami suprać režymu Bašara Asada ŭ Siryi. Abama ŭ atačeńni kiraŭnikoŭ krain Bałtyi skazaŭ usiamu śvietu, što rašeńnie pa Siryi jašče nie pryniataje, adnak padkreśliŭ, što adkaz na chimičnuju ataku moža być tolki abmiežavanym — inšymi słovami, no boots on the ground.
Na sustrečy taksama prysutničali kiraŭnik Łatvii Andrys Bierzińš i prezident Estonii Tomas Chiendryk Ilvies.
Kiraŭniki bałtyjskich krain paśla sustrečy zrabili ahulnuju zajavu ŭ suviazi z raźvićciom transatłantyčnych suviaziaŭ.
Kamientujučy sustreču, prezident Litvy skazała, što bačyć vidavočny pavarot u zamiežnaj palitycy ZŠA. Pavodle jaje słovaŭ, paŭnočnyja i bałtyjskija krainy ŭ Jeŭropie — heta bufiernaja zona pamiž Jeŭropaj i Rasijaj, intaresy krain hetaha rehijona padobnyja, jany prymalnyja i ZŠA.
«U hieapalityčnym sensie ja bačyła hety pavarot i ŭ svajoj zamiežnaj palitycy, bo heta abjektyŭnaja nieabchodnaść. Hety rehijon usio ž bufierny ŭ peŭnym sensie — z Rasijaj. Heta rehijon, u jakoha vielmi padobnaje bačańnie ŭ vyrašeńni ekanamičnych prablem, vyrašeńni kryzisu ŭ sensie fiskalnaha paradku. Rehijon robicca vielmi padobnym, jaho krainy sutykajucca z padobnymi vyklikami. Heta bačać i inšyja krainy, ja radaja, što heta bačańnie adkryta demanstrujuć i ZŠA», — skazała prezident Litvy.
Pa słovach Hrybaŭskajcie, krainy rehijona, jak i ZŠA, chvalujuć tyja ž pytańni: vajennaja, enierhietyčnaja i kibiernietyčnaja biaśpieka. Na jaje dumku, ZŠA taksama demanstrujuć padtrymku palityki Uschodniaha partniorstva ES, jakaja dla Litvy jość adnym z najvažniejšych napramkaŭ zamiežnaj palityki.
«ZŠA padtrymlivajuć namahańni bałtyjskich krain u halinie Uschodniaha partniorstva, vielmi šmat čaho čakajuć ad vosieńskaj sustrečy ŭ Vilni. Inviestycyja ŭ pracesy demakratyzacyi krain Uschodniaha partniorstva, ich zbližeńnie ź ES było b dasiahnieńniem dla Jeŭropy i ŭsiaho cyvilizavanaha demakratyčnaha hramadstva. Tamu ZŠA padtrymlivajuć našy namahańni i spadziajucca, što my zmožam damahčysia ŭsiaho hetaha na sustrečy Uschodniaha partniorstva ŭ Vilni», — skazała Hrybaŭskajcie.
Krainy Uschodniaha partniorstva — Ukraina, Małdova, Biełaruś, Armienija, Hruzija i Azierbajdžan. Uschodniaje partniorstva — častka jeŭrapiejskaj palityki dobrasusiedstva.
Sustreča prachodziła ŭ śviatle čakańnia rašeńnia pa Siryi
Sustreča Hrybaŭskajcie i kiraŭnikoŭ inšych krain Bałtyi z Abamam prachodziła ŭ śviatle čakańnia rašeńnia ZŠA pa Siryi. Prezident Litvy skazała, što napružańnie, źviazanaje ź Siryjaj, adčuvałasia, bo na ZŠA lažyć vialikaja adkaznaść.
Pavodle słovaŭ Hrybaŭskajcie, Abama razumieje hetuju adkaznaść, tamu z pryniaćciem rašeńnia nie śpiašajecca.
«Prezident Abama vydatna razumieje heta, tamu nie śpiašajecca, šmat abdumvaje, bo treba pryniać aptymalnaje rašeńnie. Najvažniejšyja pryncypy, jakich prytrymlivajemsia my, ES i ZŠA: hetaje rašeńnie musić hruntavacca na tym, što ŭ XXI stahodździ ŭžyvańnie chimičnaj zbroi suprać čałaviectva i ludziej zabaronienaje mižnarodnymi normami. Heta pieršy pryncyp. Druhi — tyja, chto ŭžyŭ jaje, pavinnyja adkazać. Heta dva fundamientalnyja pryncypy jak dla ZŠA, tak i dla ES pry pryniaćci tych ci inšych rašeńniaŭ», — skazała Hrybaŭskajcie.
Analityk prahnazavaŭ temy sustrečy
Palitołahi śćviardžali, što ŭvaha Abamy da krain Bałtyi moža być źviazanaja z paharšeńniem adnosinaŭ z Rasijaj, vidavočnaj prykmietaj čaho staŭ toj fakt, što Rasija dała prytułak Edvardu Snoŭdenu.
«Pryjaznaść ZŠA ŭ adras bałtyjskich krain zaŭsiody robić uražańnie na Rasiju, bo ZŠA ŭpłyvaje na mnohija krainy. Takaja vidavočnaja padtrymka, rytuały — jak pajezdka, sustreča z prezidentam — choć i zabiraje šmat času, ale robić vialiki ŭpłyŭ. U nas, być moža, navat źjaviacca
Prezidenty taksama pavinnyja abmierkavać hieapalityčnyja pieramieny i pracesy, jakija vyklikajuć pahrozu biaśpiecy ŭ rehijonie, ekanamičnaje supracoŭnictva i pieramovy Jeŭrasajuza z ZŠA ab transatłantyčnaj zonie svabodnaha handlu.
Pierad sustrečaj z Abamam adbyłasia sustreča prezidentaŭ troch bałtyjskich krain i adbyŭsia rabočy abied z
Kamientary