Palitviazień Alaksandr Franckievič vyjšaŭ na svabodu + foty
Anarchista vypuścili roŭnieńka a
6.10
Franckievič kaža, što vyjšaŭ z turmy idejna zahartavanym.
Palitviazień kaža, što samym ciažkim u źniavoleńni było nazirać za padziejami, jakija adbyvalisia ŭ 2010-2011 hadach na voli - u tym liku za teraktam u mietro i razhonam maŭklivych akcyj. Jon kaža, što praciahnie udzielničać u anarchisckim ruchu i raspaviadaje, čamu nie pisaŭ prašeńni ab pamiłavańni: «Kali čałaviek maje mocnyja pierakanańni, jaho ciažka złamić». Źjazdžać z krainy Franckievič nie źbirajecca.
6.05
Inšaha palitviaźnia Eduarda Łobava Franckievič tam nie bačyŭ. Ale čuŭ, što toj pajšoŭ vučycca pry zonie na zvarščyka.
6.00
Doždž, choład. Kałonija znachodzicca ŭ lesie praktyčna. Franckieviča vypuścili ŭ humovych tapkach. Padjom u ich a 5-j, i adrazu zbory ŭ jaho byli, i na vychad. Z saboj z zony jon uziaŭ tolki pakiet ź listami.
Sustreli jaho mama, niekalki siabroŭ i paplečnikaŭ.
5.00
Pad ścienami kałonii kiepskaja mabilnaja suviaź, interniet, vidać, pracujuć hłušyłki. Na padjeździe da kałonii milicyjanty pierapisvajuć u žurnalistaŭ pašpatrtnyja dadzienyja.
0.00
«Naša Niva», darečy, publikavała apaviadańnie Franckieviča «Abdymi mianie macniej».
23.55
Alaksandr byŭ asudžany razam ź Iharam Alinievičam i Mikałajem Dziadzkom, na try hady źniavoleńnia pa «spravie anarchistaŭ». Ich zatrymali try hady tamu, 3 vieraśnia.
20 vieraśnia 2010 h. Franckieviču pradjavili abvinavačańnie pa č.2 art.339 KK RB. Niepasredna jon abvinavačvaŭsia ŭ tym, što zdymaŭ na videa napad na aporny punkt milicyi ŭ Salihorsku (budynak naležyć DUPP «ŽKH «Kompleks»). 14 lutaha jamu pradjavili novaje abvinavačańnie, pavodle jakoha jaho vinavacili ŭ salihorskim napadzie i napadzie na budynak prafsajuzaŭ pa č. 3 art. 218 i pa č. 2 art. 339 KK RB, a taksama ŭ akcyi pad Hienštabam Biełarusi pa č. 2 art. 339 KK RB. Materyjalnaja škoda hetych dziejańniaŭ była acenienaja ŭ 1 miljon 900 tysiačaŭ bieł. rubloŭ.
24 maja 2011 hoda Alaksandr Franckievič byŭ asudžany Zavodskim sudom Minska na 3 hady pazbaŭleńnia voli ŭ kałonii ŭzmocnienaha režymu.
Alaksandr naradziŭsia 6 maja 1990 h. u Navapołacku. Paśla skančeńnia liceja pracavaŭ prahramistam. Paźniej pierajechaŭ žyć i pracavać u Minsk. Dałučyŭsia da ruchu anarchistaŭ.Paśla vyzvaleńnia za im budzie ŭstalavany šaścimiesiačny milicejski nahlad. Na minułym tydni na volu vyjšaŭ Źmicier Daškievič.
Za kratami zastajucca Eduard Łobaŭ, Mikałaj Statkievič, Pavieł Sieviaryniec; Aleś Bialacki; Mikałaj Dziadok, Ihar Alinievič; Jaŭhien Vaśkovič, Arciom Prakapienka; Mikałaj Aŭtuchovič.Sieviaryniec musić vyjści na volu nastupnym: 19 kastryčnika 2013 h.
Ciapier čytajuć
Šeść faktaŭ pra Andreja Švieda — byłoha hienprakurora, jaki ciapier staŭ staršynioj Viarchoŭnaha suda4
Kamientary