Палітвязень Аляксандр Францкевіч выйшаў на свабоду + фоты
Анархіста выпусцілі роўненька а
6.10
Францкевіч кажа, што выйшаў з турмы ідэйна загартаваным.
Палітвязень кажа, што самым цяжкім у зняволенні было назіраць за падзеямі, якія адбываліся ў 2010-2011 гадах на волі - у тым ліку за тэрактам у метро і разгонам маўклівых акцый. Ён кажа, што працягне удзельнічаць у анархісцкім руху і распавядае, чаму не пісаў прашэнні аб памілаванні: «Калі чалавек мае моцныя перакананні, яго цяжка зламіць». З'язджаць з краіны Францкевіч не збіраецца.
6.05
Іншага палітвязня Эдуарда Лобава Францкевіч там не бачыў. Але чуў, што той пайшоў вучыцца пры зоне на зваршчыка.
6.00
Дождж, холад. Калонія знаходзіцца ў лесе практычна. Францкевіча выпусцілі ў гумовых тапках. Пад'ём у іх а 5-й, і адразу зборы ў яго былі, і на выхад. З сабой з зоны ён узяў толькі пакет з лістамі.
Сустрэлі яго мама, некалькі сяброў і паплечнікаў.
5.00
Пад сценамі калоніі кепская мабільная сувязь, інтэрнет, відаць, працуюць глушылкі. На пад'ездзе да калоніі міліцыянты перапісваюць у журналістаў пашпатртныя дадзеныя.
0.00
«Наша Ніва», дарэчы, публікавала апавяданне Францкевіча «Абдымі мяне мацней».
23.55
Аляксандр быў асуджаны разам з Ігарам Аліневічам і Мікалаем Дзядзком, на тры гады зняволення па «справе анархістаў». Іх затрымалі тры гады таму, 3 верасня.
20 верасня 2010 г. Францкевічу прад’явілі абвінавачаньне па ч.2 арт.339 КК РБ. Непасрэдна ён абвінавачваўся ў тым, што здымаў на відэа напад на апорны пункт міліцыі ў Салігорску (будынак належыць ДУПП «ЖКГ «Комплекс»). 14 лютага яму прад’явілі новае абвінавачаньне, паводле якога яго вінавацілі ў салігорскім нападзе і нападзе на будынак прафсаюзаў па ч. 3 арт. 218 і па ч. 2 арт. 339 КК РБ, а таксама ў акцыі пад Генштабам Беларусі па ч. 2 арт. 339 КК РБ. Матэрыяльная шкода гэтых дзеянняў была ацэненая ў 1 мільён 900 тысячаў бел. рублёў.
24 мая 2011 года Аляксандр Францкевіч быў асуджаны Заводскім судом Мінска на 3 гады пазбаўлення волі ў калоніі ўзмоцненага рэжыму.
Аляксандр нарадзіўся 6 мая 1990 г. у Наваполацку. Пасля сканчэння ліцэя працаваў праграмістам. Пазьней пераехаў жыць і працаваць у Мінск. Далучыўся да руху анархістаў.Пасля вызвалення за ім будзе ўсталяваны шасцімесячны міліцэйскі нагляд. На мінулым тыдні на волю выйшаў Зміцер Дашкевіч.
За кратамі застаюцца Эдуард Лобаў, Мікалай Статкевіч, Павел Севярынец; Алесь Бяляцкі; Мікалай Дзядок, Ігар Аліневіч; Яўген Васьковіч, Арцём Пракапенка; Мікалай Аўтуховіч.Севярынец мусіць выйсці на волю наступным: 19 кастрычніка 2013 г.
Цяпер чытаюць
Хто тая Аліна, з якой Лукашэнка танцаваў гэтым разам на навагоднім балі18
Каментары