U Vialikabrytanii vyjdzie novy detektyŭny raman pra bielhijskaha syščyka Erkiula Puaro.
Znakamity piersanaž Ahaty Kryści uvaskreśnie praz 39 hadoŭ paśla vydańnia ŭ 1975 h. apošniaj knihi pra jaho pad nazvaj «Zasłona». Aŭtaram tvore stanie brytanskaja piśmieńnica Safi Chana.
Nazva dla novaj knihi pakul nie prydumana. Viadoma tolki, što jana vyjdzie ŭ vieraśni nastupnaha hoda ŭ vydaviectvie HarperCollins, paviedamlaje BiełTA.
Napisańnie ramana, hałoŭnym hierojem jakoha stanie Erkiul Puaro, uchvalili ŭnuki znakamitaj piśmieńnicy.
Naščadki Ahaty Kryści padpisali kantrakt z Chanaj, jaki dazvalaje piśmieńnicy vykarystoŭvać viadomy vobraz dla stvareńnia novaha tvora.
Chana ŭžo napisała
Safi Chana za svaju piśmieńnickuju karjeru apublikavała niekalki dziasiatkaŭ knih (vydadzieny ŭ 24 krainach śvietu)
— zbornikaŭ vieršaŭ, tvoraŭ dla dziaciej i psichałahičnych tryleraŭ. Jaje tvory byli naminavanyja na prestyžnyja litaraturnyja premii i pierakładzieny na mnohija movy śvietu. Ahata Kryści pamierła ŭ 1976 h.
Jaje knihi byli vydadzienyja pa ŭsim śviecie ahulnym nakładam u 2 młrd. asobnikaŭ i stali asnovaj dla mnostva filmaŭ i telesieryjałaŭ. Pieršy tvor pra Erkiula Puaro «Zahadkavaje zdareńnie ŭ Stajłz» vyjšaŭ u śviet u 1920 h., apošni — u
Erkiul Puaro — były kamisar palicyi Brusela apynuŭsia ŭ Anhlii padčas Pieršaj suśvietnaj vajny.
Jon — hieroj bolš čym 30 ramanaŭ i piaci dziasiatkaŭ apaviadańniaŭ Ahaty Kryści. U šerahu tvoraŭ źjaŭlajecca sa svaim siabram kapitanam Arturam Hastynhsam, jaki i Džon Vatsan (Uotsan) viadzie apovied ad svajho imia. Zatym u 1927 h. A. Kryści stvaryła jašče adzin lehiendarny vobraz — Mis Marpł.
U kiniematohrafie najbolš jarka vobraz bielhijskaha detektyva pieradaŭ Devid Suše ŭ sieryjale «Puaro Ahaty Kryści».
Paru hadoŭ tamu ŭ taki ž sposab byŭ vydadzieny praciah historyi pra Šerłaka Chołmsa. Piśmieńnik Entani Horavic sa zhody naščadkaŭ Artura Konan Dojła vydaŭ raman «Dom šoŭku» pra znakamitaha syščyka.
Kamientary