Pra heta sajtu charter97.org raspaviała mieniedžer Svabodnaha teatra Śviatłana Suhaka. U adroźnieńnie ad svaich papiarednich vizitaŭ, milicyjanty nie prosta pierapisali pašpartnyja dadzienyja akcioraŭ i hledačoŭ, ale i patrabavali ad ich pakinuć pamiaškańnie, u jakim prachodziła pradstaŭleńnie.
«Pryjšli čaćviora milicyjantaŭ — Cimur Kisiel, Ihar Kačuk, Anatol Kazak i Źmicier Bieły. Pierapisali pašpartnyja dadzienyja i ŭsich vyhnali na vulicu. Jany spasłalisia na rasparadžeńnie načalstva i rastłumačyli, što pamiaškańnie nibyta nie pryznačana dla praviadzieńnia śpiektaklaŭ», — skazała Śviatłana Suhaka.
Milicyjanty taksama vyklikali haspadara doma, u jakim prachodziać pradstaŭleńni Svabodnaha teatra. Jamu paviedamili pra skarhi, jakija nibyta pastupajuć ad susiedziaŭ, a taksama zadali pytańni ab pryčynach pieraabstalavańnia pamiaškańnia.
Adnak, ubačyŭšy, što ŭ haspadara doma jość usie nieabchodnyja dla pierapłaniroŭki dakumienty, supracoŭniki milicyi praź niekatory čas syšli.
Na praciahu apošniaha hoda supracoŭniki milicyi ŭžo nieadnarazova naviedvali śpiektakli Svabodnaha teatra, adnak raniej jany abmiažoŭvalisia pierapisvańniem pašpartnych dadzienych hledačoŭ i akcioraŭ.
«Siońnia Svabodny teatr adkryŭ teatralny siezon śpiektaklem „Rodnyja i blizkija“, ale ŭłady nie mohuć hladzieć spakojna na isnavańnie niezaležnaha teatra, tamu vyrašyli ŭ čarhovy raz sapsavać śviata hledačam i akcioram. Miarkuju, nastupnaja Šnobieleŭskaja premija miru budzie ŭručanaja Alaksandru Łukašenku za pieraśled teatra», — skazaŭ kiraŭnik teatra Mikałaj Chalezin u intervju charter97.org.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie5
Kamientary