«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
Niezaležnaja teatralnaja hrupa «Kupałaŭcy» anansavała pačatak druhoha siezona. U hetu subotu ŭ Krakavie jany pakažuć «Zapiski aficera Čyrvonaj Armii» pavodle Piasieckaha.
Jany staviać pjesu pavodle ramana «Zapiski aficera Čyrvonaj Armii» piśmieńnika Siarhieja Piasieckaha — polskamoŭnaha aŭtara ź Lachavič, kantrabandysta i špijona.
«Zapiski aficera Čyrvonaj Armii» apisvajuć padziei Druhoj suśvietnaj vajny na Vilenščynie i Haradzienščynie. Tvor pryniata ličyć žorstkaj satyraj, jakaja ŭ hratesknych farbach maluje mientalitet savieckaha sałdata — nośbita mahutnaj ideałohii, hramadzianina novaj vialikaj dziaržavy. Ale što budzie, kali pryhledziecca da hałoŭnaha hieroja ŭvažliviej?»
«Miška Zubaŭ — usiaho tolki maleńki čałaviek, prahny da žyćcia va ŭsich jaho prajavach i taki niahiehły ŭ abychodžańni sa svajoj dolaj. Što rychtuje los takim ludziam? A što jany sami niasuć u śviet? Zmročnyja i supiarečlivyja časy Siarhiej Piasiecki maluje z ułaścivym jamu adnamu čornym humaram. Budzie śmiešna i baluča, abiacajem vam», — havorycca ŭ anonsie.
Premjera adbudziecca ŭ Krakavie na fiestyvali «Boskaja kamiedyja» ŭ subotu, 4 śniežnia, u 19:00, scena «Małopolski Ogród Sztuki».
Praź miesiac, 13 studzienia, pjesa źjavicca anłajn na jutub-kanale Kupałaŭcaŭ.
Režysior — Mikałaj Pinihin.
Scenahrafija i kaściumy — Kaciaryna Šymanovič.
Aŭtar afišy — Kaciaryna Simanovič.
Roli vykonvajuć:
Miška Zubaŭ — Andrej Drobyš,
Pani Maryja — Valancina Harcujeva,
Lipa, čyhunačnik — Andrej Hradabojeŭ,
Major NKUS — Ihar Sihoŭ,
Šaviec — Siarhiej Čub,
Kolka — Viktar Manajeŭ
Pani Juzefa — Zoja Biełachvościk,
Małuha — Mikałaj Kučyc,
Dunia — Alesia Bielskaja,
Hitler, Vasia, tłusty kapitalist — Alaksandr Zielanko,
Stalin — Alaksandr Paŭłaŭ.
-
U Homielskim dramatyčnym teatry — kadravyja čystki. Znoŭ praz «palityku»
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
-
Kudy schadzić u teatr u afłajnie? Skłali z krytykam top śpiektaklaŭ, za jakija nie soramna
Ciapier čytajuć
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos26
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5353
Kamientary