U Mazyry zafiksavanyja vypadki masavaha zvarotu školnikaŭ niekalkich ŭstanoŭ adukacyi da miedykaŭ.
Hetuju infarmacyju BiełTA paćvierdzili va ŭpraŭleńni adukacyi Homielskaha abłvykankama.
Pavodle papiarednich źviestak, siońnia, 19 vieraśnia, u druhoj pałovie dnia pa dapamohu da miedykaŭ źviarnułasia niekalkich dziasiatkaŭ školnikaŭ małodšych kłasaŭ.
Miarkujecca, što havorka idzie ab atručeńni dziaciej.Vyznačajecca kolkaść dziaciej, jakija źviarnulisia pa mieddapamohu, a taksama pryčyny, dadaje BiełTA.
Kp.by udakładniaje, što prykładna z 14.30 pa 17.30 «chutkija» zabrali ŭ špital 54 dzietak z prykmietami vostraha atručvańnia. U asnoŭnym, heta vučni małodšych kłasaŭ. Atrucilisia vučni troch škoł i himnazii, tamu, chutčej za ŭsio, vinavatyja nie školnyja kuchary - sapsavanymi byli niejkija pradukty, pryviezienyja ŭ navučalnyja ŭstanovy dziaržaŭnym pradpryjemstvam «Školnaje charčavańnie». Paśla bolšaść dziaciej adpuścili dachaty, zrabiŭšy pramyvańnie.
Kamientary