Biełaruskaja Smalenščyna ŭžo ŭ siecivie!

Prablema etničnaj miažy i pamiežnych terytoryj źjaŭlałasia adnoj z najvažliviejšych i najskładaniejšych prablemaŭ XX stahodździa. Pytańni vakoł nacyjanalnych mienšaściaŭ pa-raniejšamu nie pierastajuć uzdymacca suśvietnaj hramadskaściu, pakazvajučy tym samym aktualnaść nacyjanalnaha pytańnia ŭ našyja dni.

Stałasia tak, što na mapie Jeŭropy praktyčna nielha znajści krainaŭ, u jakich dziaržaŭnyja miežy poŭnaściu adpaviadali by miežam etničnym. Biełaruś, jak viadoma, nie źjaŭlajecca vyniatkam z ahulnaha praviła. Majučy mocnych susiedziaŭ, jak z zachadu, tak i z uschodu, naša ziamla vymušana była stać krainaj-donaram, jakaja bolš addavała svajoj terytoryi, niž atrymlivała. U varunkach hieapalityki kvoły hołas pratestu z boku miascovaj elity mała čaho davaŭ, bo za svaju ziamlu nie stajali narodnyja masy. Jany i nie mahli, bo byli ŭ svajoj bolšaści “ruskimi”, “palakami” ci prosta “tutejšymi” – patryjotami Maskvy, Varšavy ci prosta svajoj siamji i rodnaj chaty, a nie niejkaj, nikomu nie patrebnaj, akramia žmieńki intelektuałaŭ, krainy.

Časy mianialisia, a ź imi mianialisia i ludzi, ale słabych, jak i raniej, pieravažna nie pytalisia, a stavili pierad faktam.

Biełastoččyna, Vilenščyna, Dźvinščyna, Pskoŭščyna, Branščyna, Sievierščyna i Smalenščyna – heta toje, što ŭžo nikoli nie budzie biełaruskim pa prykmiecie dziaržaŭnaj ci administratyŭnaj. Adnak ci budzie tam Biełaruś kulturnaja i nacyjanalnaja zaležyć tolki ad nas samich.

Prajekt “Biełaruskaja Smalenščyna” źjaŭlajecca sprobaj pakul što adnaho čałavieka pryciahnuć uvahu hramadskaści da pytańnia biełaruskaha nasielnictva sučasnaj Smalenskaj vobłaści – terytaryjalna -administratyŭnaj adzinki Rasijskaj Fiederacyi.

Asnoŭnyja mety praekta nastupnyja:

· Papularyzoŭvać historyju i kulturu Biełaruskaj (Zachodniaj) Smalenščyny;

· Prapahandavać biełaruskuju samaśviadomaść siarod smalenskich biełarusaŭ, jak pryjezdžych ź Biełarusi, tak i miascovych;

· Aśviatlać usie apošnija naviny, jakija tyčacca biełaruskaha elemienta Smalenščyny.

Prajekt nie źbirajecca prapahandavać nijakich sieparatysckich idejaŭ ci zaklikać da pierahladu dziaržaŭnych miežaŭ, a niasie vyklučna kulturnicka-aśvietny i infarmacyjny charaktar.

Administratar sajta zaprašaje da supracoŭnictva ŭsich žadajučych padtrymać prajekt!!! Etnołahi, historyki, litaratary i ŭsie zacikaŭlenyja Biełaruskaj Smalenščynaj mohuć adsyłać na elektronnuju skryniu [email protected] svaje teksty, infarmacyju, fotazdymki, pytańni, zaŭvahi i prapanovy.

• 0
• 0
• 0
• 0
• 0
• 0
• 0
• 0