Viarchoŭnaja Rada Ukrainy padtrymała pierajmienavańnie kapiejki ŭ šah
Viarchoŭnaja Rada padtrymała ŭ pieršym čytańni zakonaprajekt ab pierajmienavańni raźmiennaj maniety kapiejka na šah. Za pryniaćcie zakonaprajekta za asnovu prahałasavali 264 narodnyja deputaty, piša «UNIAN».
Taksama deputaty prahałasavali za toje, kab viarnucca ŭ zału parłamienta 27 śniežnia, kab pryniać zakon u cełym.
«Źmiena nazvy raźmiennaj maniety «kapiejka» (adna sotaja častka hryŭni) na histaryčna abhruntavanuju i spradviečna ŭkrainskuju nazvu «šah» daść mahčymaść adradzić nacyjanalnyja tradycyi Ukrainy ŭ naminacyi hrošaj i zaviaršyć hrašovuju reformu, raspačatuju ŭ 1996 hodzie», — havorycca ŭ tłumačalnaj zapiscy da zakonaprajekta.
Adznačajecca, što paśla ŭviadzieńnia ŭ abaračeńnie Nacyjanalnym bankam raźmiennych maniet naminałam 50 šahoŭ nie praduhledžvajecca adnačasovaje vymańnie z hrašovaha abaračeńnia maniet naminałam 50 kapiejek, pakolki pa stanie na 1 vieraśnia ŭ najaŭnym abaračeńni znachodziłasia 1,4 młrd štuk maniet hetaha naminału.
Maniety novaha i staroha dyzajnu buduć znachodzicca ŭ abaračeńni paralelna. Adpaviedna, pavodle acenak NBU, nie ŭźniknie dadatkovych vydatkaŭ, źviazanych z utylizacyjaj maniet naminałam 50 «kapiejek» i vyrabam raźmiennych maniet naminałam 50 «šahoŭ» na ich zamienu. Vydatki, źviazanyja z vyrabam raźmiennych maniet 50 «šahoŭ», — heta apieracyjnyja vydatki ŭ adpaviednaści z płanavymi abjomami ich vyrabu na 2025 hod.
Ciapier čytajuć
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie9
Kamientary