Čempijanat śvietu pa spartyŭnaj himnastycy ŭ bielhijskim Antvierpienie prachodzić pad biełaruskimi nacyjanalnymi ściahami.
Čempijanat adkryŭsia 30 vieraśnia. Jak stała viadoma charter97.org, na trybunach Pałaca sportu ŭ Antvierpienie, dzie prachodzić turnir, u pieršy dzień byli zaŭvažanyja zabaronienyja ŭ Biełarusi bieł-čyrvona-biełyja ściahi.
Takim čynam aktyvisty arhanizacyj «Ofis biełaruskaj palityčnaj emihracyi ŭ ES» i «Biełaruska-jeŭrapiejskaje abjadnańnie «Maładaja Biełaruś» padtrymali spartsmienaŭ z našaj krainy.
U składzie biełaruskaj kamandy na turniry - piaciora pradstaŭnikoŭ mužčynskaj himnastyki, jakija rychtujucca vystupać jak u mnahaborji, tak i na asobnych snaradach. Prahramu mnahaborja (brusy, volnyja praktykavańni, kolcy, koń machi, aporny skačok, pierakładzina) projdzie Andrej Lichavicki. Astatnija himnasty buduć kankuravać z sapiernikami na asobnych snaradach. Alaksandr Carevič zajaŭleny dla vystupu na brusach i na pierakładzinie. Arcioma Bykava čakajuć spabornictvy na kolcach, pierakładzinie i kani. Pavieł Bułaŭski paspaborničaje ŭ volnych praktykavańniach, na kolcach i ŭ apornym skačku. Vasil Michalicyn rychtavaŭ da čempijanatu śvietu kambinacyi na brusach i machi na kani.
Va ŭmovach žorstkaj kankurencyi da liku pryjarytetnych zadač dla mužčyn na turnir adnosicca demanstracyja patencyjału dla vystupleńniaŭ na nastupnym čempijanacie 2014 hoda, jaki stanie adboračnym da Alimpijskich hulniaŭ - 2016 u Rya-de-Žaniejra.
Ciapier čytajuć
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»4
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary