Brytanskaha premjera abvinavacili ŭ tym, što jon nie lubić svajho kata
Žurnalist łondanskaj haziety The Evening Standard u svajoj knizie abvinavaciŭ premjer-ministra Vialikabrytanii Devida Kemierana ŭ nielubovi da svajho kata Łary, jaki trapiŭ u rezidencyju na Daŭninh-stryt z prytułku dla žyvioł «Battiers».
Pavodle žurnalista, kot byŭ prosta instrumientam pijaru, a na samaj spravie siamja premjera jaho ciarpieć nie moža.
Zhadvańnie ab Łary ŭ knizie Mećju D'Ankonija «In It Together: The Inside Story of the Coalition Government», pryśviečanaj niepubličnamu žyćciu ŭrada Vialikabrytanii, vyklikała ŭ karystalnikaŭ internetu abureńnie abyjakavym staŭleńniem Kemierana da kata.
U krainie navat startavała Twitter-kampanija pad łozunham «Vyratujem Łary» (# SaveLarry).
Adnak na Daŭninh-stryt paśpiašalisia usich supakoić.
«Heta absalutna nie tak. Usie ŭ domie lubiać kata i vydatna ź im abychodziacca», — pieradaje Orange News słovy pradstaŭnika rezidencyi.
A sam brytanski premjer u Twitter zajaviŭ litaralna nastupnaje: «My ź im całkam cudoŭna ładzim. I dzieci jaho lubiać».
Darečy, pa dadzienych bukmiekierskaj kantory Ladbrokes Łary ŭładkavaŭsia na Daŭninh-stryt, 10 jašče bolš tryvała, čym sam Devid Kemieran.
«Papularnaść premjer-ministra znoŭ upała, i my dumajem, što kot «pieražyvie» jaho ŭ rezidencyi», — cytuje BBC pradstaŭnika Ladbrokes.
Nahadajem, što ŭ vieraśni minułaha hoda kata Łary zvolnili z pasady myšałova, bo za paŭtara hoda karjery złaviŭ tolki adnu myš, a bolšuju častku času spaŭ, dazvalajučy hryzunam razhulvać pa domie na vačach u ŭsioj siamji.
Na vakantnuju pasadu pryniali kotku ministra finansaŭ, čyj ofis znachodzicca ŭ susiednim budynku, ale Łary vyrašyŭ dakazać svaju bajazdolnaść i prosta na vulicy zładziŭ takuju bojku z susiedkaj, što raźnimać ich daviałosia palicyi.
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie3
Kamientary