Saviet ministraŭ Biełarusi zaćvierdziŭ prajektnuju dakumientacyju Biełaruskaj AES pastanovaj № 857 ad 30 vieraśnia 2013 hoda, paviedamlaje pres-słužba ŭrada.
U adpaviednaści z dakumientam, płanujecca pabudavać dva enierhabłoki AES ustanoŭlenaj naminalnaj mahutnaściu 1.194 MVt kožny. Pry hetym ahulnaja ŭstanoŭlenaja mahutnaść stancyi składzie 2.388 MVt, termin pracy — 50 hadoŭ, siaredniehadavy vodpusk elektraenierhii pry pracy ŭ bazavym režymie — 17.095,1 młn. kVt•hadz.
Pastanovaj taksama zaćvierdžany architekturny prajekt stancyi papiaredniaj kaštarysnaj vartaściu: 44,582 młrd. rasijskich rubloŭ u cenach 2001 hoda, 2,9 trłn. rubloŭ u cenach 2006 hoda, 340,86 młn. dołaraŭ, paviedamlaje pres-słužba ŭrada.
Dakumientam nazvanyja srodki raźmierkavany na budaŭnictva AES, u tym liku vytvorčaj bazy stancyi, padstancyi 110/10 kV «Vilija», čyhunačnaj linii i aŭtadarohi da AES, vykanańnie prajektna-daśledčych rabot i aŭtarskaha nahladu pa pazaplacovačnych inžyniernych sietkach, na abjekty žyllovaha fondu, sacyjalnaha, bytavoha i kulturnaha pryznačeńnia, na vydaču mahutnaści i suviaź z enierhasistemaj i inšyja mety.
Kamientary