Biełaruskija himnastki zaniali druhoje miesca ŭ kamandnym turniry na čempijanacie śvietu pa mastackaj himnastycy ŭ Patrach.
Biełaruskija spartsmienki zaniali druhoje miesca ŭ kamandnym turniry na čempijanacie śvietu pa mastackaj himnastycy ŭ hrečaskich Patrach.
Naša kamanda ŭ składzie Iny Žukavaj, Śviatłany Rudałavaj i Lubovi Čarkašynaj pa vynikach 12 praktykavańniaŭ nabrała ŭ sumie 168,775 bała, paviedamili karespandentu BIEŁTA u Ministerstvie sportu i turyzmu. Čempijonkami śvietu, jak i mierkavałasia, stali rasijanki (183,050), a bronzavy miedal upieršyniu ŭ historyi dastaŭsia kamandzie Azierbajdžana (163,750). Adznačym, što ŭ kamandnym turniry nie ŭdzielničali adny z favarytak - ukrainki. U pieršy dzień spabornictvaŭ surjoznuju traŭmu atrymała Natalla Hadunko, i ŭkrainskaja kamanda spyniła vystupleńni.
Siońnia na suśvietnym pieršynstvie vychadny dzień, a zaŭtra spabornictvy pradoŭžacca. Paśla kvalifikacyi ŭ mnahaborji Ina Žukava zajmaje 5-ju pazicyju, Luboŭ Čarkašyna na 10-m miescy, a Śviatłana Rudałava na 16-m. U subotu i niadzielu projduć hrupavyja spabornictvy. U našaj kamandzie vystupiać Alina Tumiłovič, Dzina Hajciukievič, Viera Davidovič, Alesia Babuškina, Hłafira Marcinovič i Ksienija Sankovič. Dla taho kab atrymać alimpijskuju licenziju ŭ Piekin-2008, nieabchodna ŭvajści ŭ dziesiatku lepšych. Śpiecyjalisty ličać, što dla našych "mastačak" heta nie prablema - im całkam pa siłach zavajavać adno z pryzavych miesc na suśvietnym forumie.-
U zahinułaj u Ślapiancy dziaŭčynie apaznali Janu Kastrankovu2
Kamientary