Ahułam vytvorčaść pradukcyi ŭsioj sielskaj haspadarki paraŭnalna z 2012 źniziłasia ŭ suvymiernych cenach na 2,2%.
Hetyja dadzienyja pryviedzienyja siońnia na aficyjnym sajcie Nacyjanalnaha statystyčnaha kamitetu Biełarusi, paviedamlaje radyjo «Svaboda».
Kamentujučy ich dla «Svabody», ekspert u halinie ahrapramysłovaha kompleksu Alaksandar Jarašuk adznačyŭ:
«Ja źviarnuŭ uvahu na toje, što dziaržaŭnyja čynoŭniki paźbiahajuć kamentavać takija dadzienyja. U nas ža zvyčajna adbyvajecca tolki padjom, rost, pavieličeńnie, naroščvańnie ŭsiaho. A tut padzieńnie, i davoli vialikaje.
A kali časam niešta i havorać, to ŭsio zvodzicca da adnaho — sioleta niespryjalnaje dla sielskaj haspadarki nadvorje. Tak. nadvorje — heta toj faktar, jaki treba mieć na ŭvazie. Ale nia bolš za toje. Hałoŭnaja pryčyna zaniapadu palahaje nia ŭ hetym.
Sioleta dziaržava dała mieniej resursaŭ dla sielskahaspadarčaj vytvorčaści. U vyniku zakupili mienš uhnajeńniaŭ, srodkaŭ achovy raślin i ŭsiaho inšaha.
Adsiul i panižeńnie ŭradžajnaści: z 37 centneraŭ z hiektara letaś — da 31 centnera sioleta.
My bačym, što ŭ našaj krainie, jak tolki źmianšajecca masiravanaje ŭlivańnie dziaržaŭnych srodkaŭ u ahrarny sektar, źnikaje stabilnaść.
A heta pakazvaje, što kali niama sapraŭdnaha haspadara, to źnižeńnie finansavańnia, navat nia vielmi značnaje, baluča adbivajecca na vynikach pracy.
U rešcie rešt, hałoŭnaje navat nia ŭ tym, što adbyvajecca padzieńnie vytvorčaści na 2%. Samaje kiepskaje — padaje efektyŭnaść sielskaj haspadarki. Značna paniziłasia rentabelnaść.
I heta pryvodzić da taho, što naša sielskaja haspadarka robicca niekankurentazdolnaj. Niezdarma ž ułady kažuć pra ŭviadzieńnie padatku ŭ 100 dalaraŭ na tych biełarusaŭ, chto vyjaždžaje za miažu.
Bo mnohija jechali, kab najpierš nabyć charčy. My ž viedajem, što ŭ Polščy ceny na pradukty charčavańnia nižejšyja, a čaściakom i značna nižejšyja, čym u nas.
Voś sapraŭdnaja cana našaj ahrarnaj palityki, jakaja adlustroŭvajecca ŭ ličbach aficyjnaj statystyki za 9 miesiacaŭ 2013 hodu».
Ciapier čytajuć
Kaleśnikava: Łukašenka moža pajści na spynieńnie represij dziela budučyni i «ź niejkaj mudraści»14
Kaleśnikava: Łukašenka moža pajści na spynieńnie represij dziela budučyni i «ź niejkaj mudraści»
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary