U Minsuviazi patłumačyli, čamu tak i nie admianili roŭminh z Rasijaj
Čamu praces admieny roŭminhu z Rasijaj zaciahnuŭsia na hady i čamu jaho poŭnaj admieny tak i nie adbyłosia, raspavioŭ na STB pieršy namieśnik ministra suviazi Pavieł Tkač.
Pra admienu roŭminhu havorycca tak doŭha, što navat prapahandystka Alona Syrova na STB spytała: «My vielmi doŭha pracavali nad tym ža roŭminham. Pavieł Mikałajevič, na siońniašni dzień jak iduć spravy? Čamu tak doŭha my da hetaha pytańnia padstupalisia, kab chacia b jaho pačać vyrašać?»
Pavieł Tkač, pieršy namieśnik ministra suviazi i infarmatyzacyi Biełarusi nie daŭ nadziei, što roŭminh kančatkova źniknie, niahledziačy na ŭsie papiarednija abiacańni.
Jon adkazaŭ — prablema techničnaja, chacia patłumačyŭ finansavymi čyńnikami.
«Čamu nie zrabili poŭnuju admienu, časta zadajuć pytańnie. U pieršuju čarhu, pytańnie techničnaje. Kali my ŭ roŭminhu, u nas zaŭsiody pracuje jak minimum try apieratary. Heta apieratar chatniaj sietki, apieratar haściavoj sietki i tranzitny apieratar. I, adpaviedna, vydatki krychu vyšejšyja, čym kali vy razmaŭlajecie ŭ svajoj ułasnaj sietcy. Tamu, tak, my abmiežavali peŭny prybytak dla apierataraŭ, ale tym nie mienš my zmahli ŭstanavić, što toje rašeńnie, jakoje było pryniata, jano było pryniata absalutna ŭzvažana i pravilna», — skazaŭ jon.
Pavodle słoŭ čynoŭnika, novyja praviły, jakija dziejničajuć z sakavika 2025 hoda, majuć svaje limity. Zhodna z novymi normami, biełarusy ŭ Rasii (i naadvarot) atrymlivajuć «150 chvilin uvachodnych biaspłatna na miesiac, 150 zychodnych za košt chvilin, uklučanych u taryfny pakiet, i da 5 hihabajt internet-trafiku pa taryfach, paraŭnalnych z taryfami ŭ chatniaj sietcy».
Tłumačačy šmathadovuju zatrymku z vyrašeńniem pytańnia, čynoŭnik spasłaŭsia na techničnyja składanaści i baraćbu z «niadobrymi ludźmi».
«Čamu tak doŭha? Tamu što nieabchodna było vyrašać šerah pytańniaŭ techničnaha, pravavoha charaktaru, u tym liku pytańni baraćby z frodam. To-bok kali my razumiejem, što ŭ nas jość tannyja razmovy pa sietkach sotavaj suviazi, mohuć źjavicca niadobryja ludzi, ašukancy, jakija buduć vykarystoŭvać hetyja sietki dla pierakidańnia darahoha kamiercyjnaha trafiku. Nam treba było vyrazna zrazumieć, što toj trafik, jaki prahavorvajuć ludzi pa sietkach sotavaj suviazi, heta i jość ilhotny roŭminhavy trafik», — skazaŭ jon.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary