Termin rasśledavańnia ŭ dačynieńni da kiraŭnika «Urałkalija» Uładzisłava Baŭmhiertniera i inšych fihurantaŭ kryminalnaj spravy praciahnuty na dva miesiacy.
Pra heta BiełaPAN paviedamiŭ načalnik adździeła infarmacyi i suviazi z hramadskaściu Śledčaha kamiteta Biełarusi Pavieł Traulka.
Hiendyrektar AAT «Urałkalij» Uładzisłaŭ Baŭmhiertnier byŭ zatrymany ŭ Minsku 26 žniŭnia. Spačatku jamu było vystaŭlena abvinavačańnie va złoŭžyvańni ŭładaj i słužbovymi paŭnamoctvami. 4 kastryčnika SK Biełarusi paviedamiŭ, što «na padstavie atrymanych śledstvam dadatkovych danych, uźniknieńnia novych akaličnaściaŭ Uładzisłavu Baŭmhiertnieru i inšym fihurantam kryminalnaj spravy ŭdakładniena (dapoŭniena) abvinavačańnie». Jakoje mienavita — nie paviedamlajecca.
26 vieraśnia Baŭmhiertnier byŭ pieraviedzieny pad chatni aryšt u Minsku.
Raniej SK paviedamlaŭ, što supraćpraŭnyja dziejańni Baŭmhiertniera i šerahu inšych top-mieniedžaraŭ ZAT «Biełaruskaja kalijnaja kampanija» nanieśli ŭron da 100 młn. dołaraŭ. Paźniej pres-sakratar Śledčaha kamiteta Pavieł Traulka zajaviŭ, što suma ŭronu moža być značna pavialičana.
Kamientary