Praz port u Kłajpiedzie ŭ minułym hodzie pieravieźli kala 1 miljona ton biełaruskich i rasijskich hruzaŭ
U 2025 hodzie praz Kłajpiedski marski port u Litvie było pieravieziena kala 1 miljona ton biełaruskich i rasijskich hruzaŭ. Ź ich 769 tysiač ton prypadała na biełaruskija hruzy i 236 tysiač ton — na rasijskija. Heta adpaviedna kala 2% i 0,6% ad ahulnaha hadavoha abjomu pieravałki porta, paviedamlaje LRT.
Pry hetym, jak adznačajecca, praz zabaronu na tranzit biełaruskich kalijnych uhnajeńniaŭ praź Litvu port štohod niedaatrymlivaje kala 14 miljonaŭ jeŭra. Pavodle padlikaŭ dyrekcyi, u 2022—2026 hadach ahulnyja straty skłali prykładna 56 miljonaŭ jeŭra.
Da ŭviadzieńnia sankcyj, u 2021 hodzie, abjom pieravałki biełaruskich kalijnych uhnajeńniaŭ u Kłajpiedzie dasiahaŭ amal 12 miljonaŭ ton — heta była amal tracina ad usioj hadavoj pieravałki (45,6 miljona ton). Paśla spynieńnia tranzitu ŭhnajeńniaŭ port straciŭ značnuju častku dachodaŭ, što adbiłasia i na kampanijach, źviazanych ź pieravozkami i łahistykaj.
Niahledziačy na heta, u 2025 hodzie ahulny abjom pieravałki skłaŭ 39 miljonaŭ ton. Rost zabiaśpiečyli kantejniernyja hruzy, paromnyja pieravozki i zvadkavany pryrodny haz.
Praz Kłajpiedu ciapier transpartujucca tolki tyja hruzy ź Biełarusi i Rasii, jakija nie traplajuć pad nakładzienyja na ich sankcyi. U asnoŭnym heta žyviolnyja i raślinnyja tłuščy, alei, pradukty charčavańnia, napoi, tytuniovyja i raślinnyja vyraby.
Jeŭrapiejski sajuz dniami na hod padoŭžyŭ sankcyi suprać Biełarusi, u tym liku ŭ dačynieńni da ŭhnajeńniaŭ. Raniej Litva spyniła tranzit pradukcyi kampanii «Biełaruśkalij», a paśla pačatku poŭnamaštabnaha ŭvarvańnia Rasii va Ukrainu sankcyi byli pašyranyja.
Naŭsieda: Ja budu siarod tych, chto najbolš žorstka patrabuje padaŭžeńnia sankcyj ES suprać Biełarusi
Premjer Litvy: Tema adnaŭleńnia tranzitu biełaruskich uhnajeńniaŭ štučna nahniatajecca
Naŭsieda: Handal kaštoŭnaściami nieprymalny, Litva pa-raniejšamu budzie błakavać tranzit biełaruskich uhnajeńniaŭ
Litva nie budzie prapuskać biełaruski kalij praz Kłajpiedu, niahledziačy na admienu sankcyj ZŠA
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary
Leki, pradukty charčavańnia i syravina dla vytvorčaści charčavańnia nie padlahajuć sankcyjam. Nikoli i nidzie.
Darečy, kali ŭ aptekach i balnicach źnikajuć peŭnyja leki, to nie z pryčyny mižnarodnych sankcyjaŭ. Značyć dziaržava sama abo nie zakuplaje kankretnyja leki, abo stvaraje farmalnyja pieraškody dla lehalnaha abarotu hetaha leku.