Udzielnik «Aktoberfesta» potym piać tydniaŭ šukaŭ svaju mašynu
Italjaniec, jaki pryjazdžaŭ vosieńniu 2013 hoda ŭ niamiecki Miunchien na fiestyval piva «Aktoberfest», ciaham piaci tydniaŭ nie moh adšukać miesca, dzie pryparkavaŭ svoj aŭtamabil.
Mužčyna, jaki fihuruje ŭ ŚMI jak Andreas O., raspavioŭ, što pakinuŭ svoj «Falksvahien» niepadalok ad tramvajnych šlachoŭ, a zatym pajechaŭ u bok praviadzieńnia znakamitaha mierapryjemstva.
Kali «Aktoberfest» zaviaršyŭsia, italjaniec nie zmoh zhadać, jak nazyvałasia vulica, dzie jon pakinuŭ mašynu, i na jakim mienavita tramvai jon pryjechaŭ na fiestyval.
Pa słovach Andreasa, jon niekalki razoŭ abjazdžaŭ miesca, dzie, jak jamu zdavałasia, moh znachodzicca aŭtamabil, ale pošuki ni da čaho nie pryviali.
Tady jon raźviesiŭ pa horadzie abjavy, u jakich paabiacaŭ 200 jeŭra tamu, chto dapamoža jamu adšukać mašynu. Tym nie mienš, i heta akazałasia nieefiektyŭnaj mieraj. Da pošukaŭ padklučyłasia i palicyja.
Za piać tydniaŭ, što zaniała ŭsia hetaja apieracyja, Andreas pryjazdžaŭ ŭ Hiermaniju trojčy i znoŭ pačynaŭ błukać pa Miunchienie ŭ sprobach uspomnić miesca parkoŭki.
Urešcie mašynu ŭdałosia znajści i jon zmoh zabrać jaje niekalki dzion tamu.
Kamientujučy hety vypadak, u palicyi adznačyli, što paśla piŭnoha fiestyvalu mnohija jaho hości zabyvajuć, dzie mienavita pakinuli svaje mašyny.
Ciapier čytajuć
Top sučasnych elitnych žyllovych kompleksaŭ Minska. Kvadrat tam kaštuje da 11 000 dalaraŭ3
Kamientary