Hienierał-major, Hieroj Ukrainy Jaŭhien Bieraźniak pamior u Kijevie na 99-m hodzie žyćcia.
Prezident Ukrainy Viktar Janukovič vykazaŭ spačuvańni rodnym i blizkim vieterana.
Jaŭhien Bieraźniak da vajny pracavaŭ nastaŭnikam, zatym uznačalvaŭ Lvoŭski haradździeł adukacyi. U 1941 hodzie ŭklučyŭsia ŭ padpolnuju baraćbu ź niemcami, byŭ prapahandystam i suviaznym.
U 1943-m jaho nakiravali ŭ škołu Hałoŭnaha raźviedvalnaha ŭpraŭleńnia, paśla jakoj jon uznačaliŭ hrupu vajennych raźviedčykaŭ pad kodavaj nazvaj «Hołas».
U noč na 19 žniŭnia 1944 hrupa desantavałasia ŭ Polščy, pad Krakavam, i vykonvała bajavoje zadańnie 156 dzion. Jaho kamandzie ŭdałosia znajści płan miniravańnia Krakava, sabrać i pieradać infarmacyju ab dysłakacyi nacysckich vojskaŭ.
Ale za pracu ŭłady adpłacili jamu łahierami i pravierkami.
Reč u tym, što paśla apieracyi Bieraźniak trapiŭ u hiestapa, ale zmoh vybracca. Za takoje hierojstva jaho i pasadzili ŭ filtracyjny łahier u Padolsku.
Kančatkova Bieraźniaka reabilitavali tolki ŭ 1965 hodzie. Pra jaho byŭ napisany raman Julijana Siamionava i źniaty adnajmienny film.
Kamientary