Što viazuć biełarusy z-za miažy i što vyvoziać ad nas zamiežniki — vyniki ankietavańnia na miažy

Pa vynikach 2013 moža skłaścisia u admoŭnaje salda ŭ ekvivalencie minus $0,5 młrd.

Nacbank abnarodavaŭ vyniki praviadzieńnia ananimnaha ankietavańnia fizičnych asob u aŭtadarožnych punktach propusku na miažy Biełarusi, paviedamlaje BIEŁTA.

Va ŭpraŭleńni infarmacyi i hramadskich suviaziej Nacbanka nahadali, što dziaržaŭnymi orhanami Biełarusi z udziełam Nacyjanalnaha banka 20 vieraśnia (piatnica) i 21 vieraśnia (subota) 2013 hoda praviedziena razavaje ankietavańnie hramadzian u siami aŭtadarožnych punktach propusku na miažy našaj krainy, jakoje achoplivała jak biełaruskich, tak i zamiežnych hramadzian, što pierasiakali jaje aŭtamabilnym transpartam.

«Niahledziačy na dobraachvotny charaktar praviadzieńnia ankietavańnia, adnosnuju naviznu takoha vidu statystyčnych nazirańniaŭ, aktyŭnaść respandentaŭ pa zapaŭnieńniu ankiet była na davoli vysokim uzroŭni.

Z 8 tys. padrychtavanych ankiet zapoŭniena bolš jak pałova. Pry hetym asnoŭnaja častka z zapoŭnienych ankiet (72,4 pracenta) prypadaje na biełaruskich respandentaŭ», — źviarnuli ŭvahu ŭ Nacbanku.

Praviedzienaja ŭ vieraśni-listapadzie apracoŭka atrymanych danych dała mahčymaść vyznačyć abjomy, strukturu, nakiravanaść niearhanizavanych źniešnich tavarnych płyniaŭ i pasłuh mižnarodnaha turyzmu.

«Vyniki ankietavańnia paćviardžajuć, što majuć miesca sustrečnyja płyni ŭvozimych i vyvozimych tavaraŭ praź miažu Biełarusi», — adznačyli ŭ Nacbanku.

U pryvatnaści, jak adznačyli respandenty, asnoŭnymi hrupami tavaraŭ, impartujemych z Polščy, Ukrainy, Litvy, Łatvii, źjaŭlajucca adzieńnie, abutak charčovia pradukty, televizary, ałkaholnyja napitki, šyny, bytavaja chimija, srodki hihijeny, kampjutarnaja technika i srodki suviazi.

Asnoŭnymi ekspartnymi tavarami, zhodna z atrymanymi danymi, źjaŭlajucca bienzin, dyzielnaje paliva, adzieńnie, abutak, tytuniovyja vyraby, ałkaholnyja napitki, a taksama cukar, krupy i makaronnyja vyraby.

«Na asnovie danych praviedzienaha abśledavańnia možna dapuścić, što pa vynikach 2013 ahulnaja kolkaść pajezdak fizičnych asob, zaniatych niearhanizavanym uvozam tavaraŭ u Biełaruś z Łatvii, Litvy, Polščy i Ukrainy, u dva razy pieravysić kolkaść pajezdak hramadzian, jakija vyvoziać tavary ŭ hetyja krainy ź Biełarusi», — havorycca ŭ acency Nacbanka vynikaŭ ankietavańnia.

Z ulikam atrymanych u vyniku abśledavańnia danych, prahnazujemaja na 2013 hod sumarnaja vartaść uviezienych fizičnymi asobami tavaraŭ u Biełaruś z Łatvii, Litvy, Polščy i Ukrainy składzie $1 młrd. 73,4 młn.

Pry hetym asnoŭnaja častka niearhanizavanaha impartu tavaraŭ budzie ažyćciaŭlacca z Polščy (49 % usiaho impartu z abśledujemych krain), Ukrainy (31 %) i Litvy (20 %).

«Z ulikam praviedzienaj karekciroŭki, sumarnaja vartaść vyviezienych fizičnymi asobami tavaraŭ ź Biełarusi ŭ Łatviju, Litvu, Polšču i Ukrainu za 2013 hod aceńvajecca ŭ pamiery $620,3 młn.

U tym liku asnoŭnymi krainami — spažyŭcami niearhanizavanaha biełaruskaha ekspartu tavaraŭ, pavodle danych prahnozu, mohuć vystupić Polšča (39 % ad ahulnaj vartaści vyvozimych tavaraŭ), Ukraina (29 %) i Litva (21 %)», — skazana ŭ spravazdačy Nacbanka.

Čakajecca, što z ulikam atrymanych danych salda źniešniaha handlu tavarami, jakija buduć pieramieščany fizičnymi asobami praz hranicu Biełarusi z Polščaj, Ukrainaj, Litvoj, Łatvijaj (biez uliku niearhanizavanaha handlu z Rasijaj), u 2013 hodzie składziecca admoŭnym i moža dasiahnuć u ekvivalencie minus $0,5 młrd.

«Vyniki ankietavańnia ŭ peŭnaj stupieni dajuć mahčymaść dapoŭnić isnujučyja statystyčnyja pakazčyki ekspartu i impartu Biełarusi za košt pašyreńnia pieraliku daličvajemych tavaraŭ, źmianieńnia rehijanalnaha razrezu daličvajemych niearhanizavanych źniešniehandlovych patokaŭ, a taksama ŭdakładnieńnia sum pravodzimych acenak», — adznačyli ŭ Nacbanku.

Praviedzienaje abśledavańnie pakazała taksama nieabchodnaść arhanizacyi pastajanna dziejučaj sistemy vybaračnych nazirańniaŭ dla pavyšeńnia jakaści pravodzimych ciapier Biełstatam daličvańniaŭ i atrymańnia ŭsioabdymnych acenak niearhanizavanych źniešnich tavarnych płyniaŭ i pasłuh mižnarodnaha turyzmu, kanstatavali ŭ Nacbanku.

Vyniki abśledavańnia nakiravany zacikaŭlenym orhanam kiravańnia Biełarusi. Nacbankam atrymanyja danyja buduć vykarystany pry składańni płaciežnaha bałansu Biełarusi za 2013 hod.

Karotkija vyniki abśledavańnia fizičnych asob u aŭtadarožnych punktach propusku na miažy Biełarusi raźmieščany na sajcie Nacbanka.

• 0
• 0
• 0
• 0
• 0
• 0
• 0
• 0