Saviet respubliki ŭchvaliŭ papraŭki ŭ zakon «Ab paštovaj suviazi». Dakumient, u pryvatnaści, udakładniaje paniacijny aparat. Važnaj naviełaj źjaŭlajecca skaračeńnie pieraliku vyklučnych pravoŭ nacyjanalnaha apieratara paštovaj suviazi.
Jak rastłumačyŭ siońnia žurnalistam namieśnik ministra suviazi i infarmatyzacyi Mikałaj Strukaŭ, heta norma daść mahčymaść lehalizavać dziejnaść transnacyjanalnych paštovych kampanij, jakija dziejničajuć u Biełarusi. Ciapier faktyčna jany zajmajucca dastaŭkaj tavaraŭ.
«Jany sami zajavili ab tym, što chacieli b lehalizavać svaju dziejnaść», — rastłumačyŭ namieśnik ministra. Ale pry hetym naŭrad ci hetyja kampanii buduć prychodzić na sielskija terytoryi. Im bolš vyhadna pracavać u haradach. Tamu papraŭki praduhledžvajuć, što ŭ vioscy paštovaja suviaź pa-raniejšamu budzie harantavana za košt asnoŭnaha nacyjanalnaha apieratara.
Svaju dziejnaść u Biełarusi płanujuć raźvivać piać mižnarodnych paštovych kampanij.
Mikałaj Strukaŭ adznačyŭ, što jany ŭžo adkryli svaje pradstaŭnictvy nie tolki ŭ Minsku, ale i ŭ rehijonach. U rabotu hetych kampanij invieścirujecca jak zamiežny, tak i biełaruski kapitał.
Akramia taho, papraŭki zamacoŭvajuć na zakanadaŭčym uzroŭni takija paniaćci, jak «kurjerskaja suviaź» i «kurjerskija pasłuhi». Faktyčna kurjerskaja suviaź vydzialajecca ŭ samastojny vid paštovaj suviazi.
Zakonaprajekt ustanaŭlivaje i abaviazki apierataraŭ paštovaj suviazi, jakija datyčacca ŭzajemadziejańnia z orhanami, što ažyćciaŭlajuć apieratyŭna-vyšukovuju dziejnaść.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary