Ukaz ab pryznačeńni Alaksandra Miažujeva dziaržaŭnym sakratarom Rady biaśpieki Alaksandr Łukašenka padpisaŭ 5 śniežnia, paviedamlaje ahienctva BiełTA.
Nahadajem, što Leanid Malcaŭ byŭ vyzvaleny z pasady dziaržasakratara miesiac tamu, 2 listapada. Jaho Łukašenka pryznačyŭ kiraŭnikom Dziaržaŭnaha pamiežnaha kamiteta.
Miažujevu 54 hady, jon naradziŭsia 11 lipienia 1959 hoda ŭ Lachavičach Bresckaj vobłaści.
Skončyŭ Kijeŭskaje vyšejšaje ahulnavajskovaje kamandnaje vučylišča, kołava-husieničnyja mašyny, Vajennuju akademiju imia Frunzie (Maskva), Vajennuju akademiju Hienieralnaha štaba Uzbrojenych Sił Rasijskaj Fiederacyi (Maskva ) — vajennaje i dziaržaŭnaje kiravańnie; hienierał-major.
Prachodziŭ słužbu na kamandnych i štabnych pasadach, u tym liku načalnika štaba — pieršaha namieśnika kamandujučaha apieratyŭnaha kamandavańnia, kamandujučaha vojskami apieratyŭnaha kamandavańnia, načalnika Hałoŭnaj vajennaj inśpiekcyi Uzbrojenych Sił Respubliki Biełaruś.
Byŭ deputatam pałaty pradstaŭnikoŭ pa Hrodzienskaj sielskaj akruzie №52.
Žanaty, maje try syny.
U adnym sa svaich vystupaŭ jon prapanoŭvaŭ raźvivać biełaruskuju armiju z ulikam vopytu inšych krain i detalova analizavaŭ prykład Niamieččyny.
Ciapier čytajuć
Prosty biełarus ździviŭ ludziej, kali ŭ Hiermanii pryznavaŭsia ŭ lubovi da Łukašenki. Ale akazałasia, što jon niaprosty21
Kamientary