Čatyry miesiacy rodnyja nastojvali na hetym.
Ekshumacyju praviali 4 śniežnia, paviedamili rodnyja Ihara Pcičkina. Ciapier miesiac treba čakać vynikaŭ paŭtornaha ŭskryćcia cieła.
Rodnyja chłopca damahalisia praviadzieńnia ekshumacyi amal čatyry miesiacy paśla pachavańnia.
Nahadajem, 21-hadovy Ihar Pcičkin musiŭ adbyć u SIZA na Vaładarskaha trochmiesiačny aryšt: sieŭ za rul aŭto, chacia byŭ pazbaŭleny pravoŭ. 4 žniŭnia Pcičkin pamior.
Na sustrečy z načalnikam SIZA rodnym chłopca paviedamili, što ŭ Ihara 3 žniŭnia pačałosia «psichamatornaje ŭzbudžeńnie». I jaho źmiaścili ŭ miedycynskuju čaść, «dzie daviałosia fiksavać jaho miakkimi ramianiami». Na fatazdymkach trupa Pcičkina zaŭvažnyja šmatlikija siniaki. Foty vykładzienyja ŭ ahulny dostup u supołcy Ukantakcie.
U śmierci chłopca vinavaciać fielčara minskaha SIZA № 1, jaki dziažuryŭ u noč śmierci. Raspačata kryminalnaja sprava za nienaležnaje vykanańnie prafiesijnych abaviazkaŭ miedrabotnikam, što paciahnuła za saboj pa nieaściarožnaści śmierć pacyjenta.
Rodnyja Pcičkina praviali 14 vieraśnia kala SIZA na Vaładaraskaha akcyju z patrabavańniem rasśledavańnia spravy, u vyniku jany byli zatrymanyja. Jany ličać, što Ihara bili pierad śmierciu.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary