Ukrainskaja apazicyja kliča vyšejšaje kiraŭnictva ES dla pieramovaŭ ź Janukovičam
Ukrainskaja apazicyja patrabuje pryciahnieńnia dla pieramovaŭ z prezidentam Viktaram Janukovičam jeŭrapiejskich pasiarednikaŭ. Pra heta Arsienij Jacaniuk zajaviŭ žurnalistam u štabie nacyjanalnaha supracivu, paviedamlaje «Ukrainskaja praŭda».
«My majem patrebu ŭ misii Jeŭrasajuza na vyšejšym uzroŭni, na ŭzroŭni prezidenta i kamisara», — zajaviŭ jon.
Jacaniuk skazaŭ, što «ŭsio jašče zastajucca šancy dla vyrašeńnia palityčnaha kryzisu».
Jon adznačyŭ, što apazicyja nie atrymlivała zaprašeńnia na kruhły stoł ź Leanidam Kraŭčukom.
«Naš płan vychadu z kryzisu źjaŭlajecca vyraznym: pryciahnieńnie da adkaznaści tych, chto biŭ dziaciej, vyzvaleńnie zatrymanych, adstaŭka adkaznych za heta», — skazaŭ Jacaniuk.
«Nijakaha płanu ad prezidenta niama, nijakich sastupak niama. Apielacyjnyja sudy ŭ dačynieńni da zatrymanych aktyvistaŭ pieraniesieny na nastupny tydzień», — aburyŭsia lidar frakcyi «Baćkaŭščyna».
Jacaniuk dadaŭ, što ŭ chodzie pieramovaŭ apazicyja hatovaja da farmiravańnia techničnaha ŭrada i pryniaćcia zakonaŭ, jakija patrebnyja dla praduchileńnia ŭzurpacyi ŭłady, zaklučeńnie pahadnieńnia ab asacyjacyi i abnaŭleńnia kredytu Mižnarodnaha valutnaha fondu.
Ciapier čytajuć
Śpievaka z «Marafonu adzinstva» asudzili za palityku — pryhadali kamientary 2020-ha. Baranić u sud jaho chadzili siostry Hruździevy16
Kamientary