Sieryja naboraŭ dziciačaj tvorčasci «Zamki Biełarusi» papoŭniłasia papiarovaj madellu mažejkaŭskaj carkvy-krepaści.
Jašče u 2012 hodzie Ihar Adasik z Hrodna zrabiŭ papiarovuju kopiju hrodzienskaha zamka Vitaŭta dla svajej maleńkaj dački Adeli. Praź niekatory čas da zamka Vitaŭta dałučyŭsia papiarovy zamak Hiedymina ŭ Lidzie.
Tak stvareńnie papiarovych zamkaŭ dla dački pastupova pieraŭtvaryłasia ŭ bolš masštabny prajekt, vynikam jakoha stała ŭzniknieńnie sieryi papiarovych naboraŭ dziciačaj tvorčasci «Zamki Biełarusi».
Uznikła pytańnie: čamu b nie rabić takija zamki taksama i dla ŭsich biełaruskich dzietak, kab jany razam sa svaimi baćkami mahli zajmacca tvorčaściu, adnačasova vyvučajučy hictoryju rodnaha kraju.
Na hety momant u sieryju ŭvachodziać zamak Vitaŭta ŭ Hrodnie, zamak Hiedymina ŭ Lidzie, Mirski zamak, skončana praca nad Mažejkaŭskaj carkvoj-krepaściu.
Kožny nabor uklučaje ŭ siabie histaryčnuju daviedku, instrukcyju pa składańni zamka, madel zamka ŭ razhortcy na 3-5 staronkach A4, suvienirny mahnicik.
Na dumku stvaralnikaŭ prajekta, takija madeli mohuć paśpiachova vykarystoŭvacca baćkami i dziećmi doma, nastaŭnikami na ŭrokach historyi Biełarusi — u jakaści nahladnaha dapamožnika, i prosta stać dobrym padarunkam maleńkamu biełarusu.
Zamović luby kamplekt ź sieryi «Zamki Biełarusi» možna pa teł.: +375 29 352-07-52, a taksama pa e-mail: [email protected]. Mahčyma adpraŭka poštaj (pa Biełarusi biaspłatna).
Kamientary