Siabry vašynhtonskaha hurtka Biełaruska-amierykanskaha zadzinočańnia (BAZA) sumiesna z pravaabarončaj arhanizacyjaj Amnesty International praviali 19 śniežnia mitynh kala budynka biełaruskaha pasolstva ŭ Vašynhtonie.
Jak paviedamiŭ BiełaPAN pradstaŭnik Amnesty International pa Biełarusi Viačasłaŭ Bortnik, akcyja była prymierkavanaja da treciaj hadaviny razhonu ŭdzielnikaŭ demanstracyi ŭ Minsku 19 śniežnia 2010 hoda, jakija pratestavali suprać aficyjnych vynikaŭ prezidenckich vybaraŭ.
«Na siońnia my majem źviestki pra 11 palityčnych źniavolenych, jakija ŭtrymlivajucca biełaruskimi ŭładami ŭ turmach i papraŭčych kałonijach, — zajaviła namieśnik staršyni vašynhtonskaha hurtka BAZA Alesia Kipiel. — Hetyja ludzi pavinny być nieadkładna i biezahavoračna vyzvaleny, tamu što byli zatrymany vyklučna za mirnaje vykazvańnie svaich palityčnych ci inšych pierakanańniaŭ».
Arhanizatary mitynhu nakiravali list u biełaruskaje pasolstva, u jakim zapatrabavali vyzvalić usich palityčnych źniavolenych, źmianić zakanadaŭstva ŭ śfiery svabody abjadnańniaŭ, schodaŭ, a taksama ŭvieści maratoryj na vykanańnie śmiarotnych prysudaŭ.
Aktyvisty, jakija sabralisia kala pasolstva, trymali bieł-čyrvona-biełyja ściahi, płakaty z patrabavańniem vyzvalić palitźniavolenych i partrety hvałtoŭna źnikłych u 1999—2000 hadach biełarusaŭ.
Jany taksama razdavali ŭlotki ź infarmacyjaj ab palityčnych represijach u Biełarusi. Aprača členaŭ BAZA i Amnesty International u pikiecie ŭziali ŭdzieł prezident Freedom House Devid Kremier, prezident fondu «My pamiatajem» Iryna Krasoŭskaja, členy Abjadnanaha bałtyjska-amierykanskaha nacyjanalnaha kamiteta, šerahu inšych arhanizacyj.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak2020
Kamientary