Videa navahodniaj dyskateki ź viaskovaha kłuba na Homielščynie ŭzarvała tyktok. Što tam niezvyčajnaha?
Rabotnica viaskovaha kłuba apublikavała sieryju videa z navahodniaj dyskateki, i adzin rolik staŭ virusnym — bolš za 1,6 miljona prahladaŭ i tysiačy kamientaroŭ, piša «Fłahštok». Praŭda, paśla, mahčyma, sama aŭtarka spałochałasia takoj papularnaści, bo ciapier videa stała čamuści niedastupnym.
Na kadrach ludzi siaredniaha ŭzrostu tancujuć u nievialikaj, daŭno nie ramantavanaj zale sielskaha Doma kultury vakoł žyvoj jołki pad pieśniu ŭ styli 1990-ch.
Pakolki treki ruskamoŭnyja, a nadpisy ŭ zale — na ruskaj movie, mnohija kamientatary padumali, što videa źniata ŭ hłybincy Rasii. Adnak vyśvietliłasia, što dyskateka prachodziła ŭ vioscy Staražoŭcy Žytkavickaha rajona.
Mnohija karystalniki ŭspomnili svaju maładość i ŭśmichalisia, pryhadvajučy ciopłuju atmaśfieru, ale šmat chto zaŭvažyŭ, što tancory byli ŭ kurtkach i ździvilisia, čamu ŭ kłubie niama aciapleńnia.
Niekatoryja adznačali «žabractva» i vyhlad udzielnikaŭ:
«Ja žyvu ŭ vioscy, ale ŭ nas usie pryhoža apranutyja, ciopła, ŭtulna! A tut…»;
«2026 hod, a my stali žyć horš, čym u 90-ja».
Darečy, inšyja videa aŭtara hetaha akaŭnta taksama pakazvajuć peŭnyja rysy kulturnaha žyćcia biełaruskaj hłybinki. Naprykład, da hadaviny Kastryčnickaha pieravarotu rabotnicy kłuba vystroilisia ŭ čyrvonych chustkach pad łozunham «Słava kastryčniku!»
«My prasiaknutyja spantannaściu». Kampanija siabroŭ vykupiła ceły vahon, kab sustreć Novy hod u ciahniku da Bresta
Bienhalskija ahni na šampanskim stali pryčynaj pažaru ŭ bary ŭ Šviejcaryi, dzie zahinuli 40 čałaviek
«Źmiena daty ŭ kalendary nie spyniaje vajny ni na chvilinu». Jak sustrakali i što jeli na Novy hod vajary Pałka Kalinoŭskaha?
Ciapier čytajuć
«Muž syšoŭ ź Sipłym i Małym». Imavierna, pad Kramatorskam ukraincy adnym macham ubajdosili troch biełaruskich najomnikaŭ4
Kamientary