2013: Jak heta było, abo Chronika najbolš značnych padziej

Studzień

Hod bieražlivaści pačaŭsia z padaražańniaŭ. Z 1 studzienia na 20% vyraśli ceny na suviaź i internet, a taksama pavialičylisia taryfy na kamunalnyja pasłuhi — da 10%. Zrešty, heta było daloka nie apošniaje padaražańnie. Cień inflacyi i devalvacyi supravadžaje biełaruskuju ekanomiku ceły hod.

«Baćka devalvacyi» Piatro Prakapovič tym časam stanovicca vice-premjeram.

Pačynajecca śviatkavańnie 150-hodździa paŭstańnia Kastusia Kalinoŭskaha. Razam z tym ceły hod zachodnierusisty sprabujuć dyskredytavać hieroja.

Luty

Pačynajecca sudovy praces nad Sašam Varłamavym. Znakamity madeljer byŭ zatrymany jašče dva hady tamu. U lipieni Varłamava asudžajuć da piaci hadoŭ abmiežavańnia svabody i adpuskajuć adbyvać pakarańnie doma.

Pasady zroksia papa Bienedykt XVI. Apošni raz niešta padobnaje było 600 hadoŭ tamu.

Nad Urałam vybuchnuŭ mietearyt, bolš za tysiaču čałaviek było paraniena.

U Minsku aryštavali rasijskaha nieanacysta Ciesaka. Jamu inkryminałavasia chulihanstva z vykarystańniem zbroi, adnak nieŭzabavie Ciesaka vypuścili na svabodu, a kryminalnaja sprava razvaliłasia.

Rusifikatary na čale z namieśnikam staršyni Minharvykankama kamunistam Iharam Karpienkam pačynajuć vajnu ź biełaruskaj łacinkaj u tapanimicy. Jany patrabujuć rabić tranślitaracyju z ruskaj movy. Navukoŭcy vystupajuć kateharyčna suprać i adnahałosna adchilajuć prapanovy minskich čynoŭnikaŭ.

Sakavik

Pamiraje vieniesuelski lidar Uha Čavies. Na krasavik pryznačajucca prezidenckija vybary, na jakich ź minimalnym adryvam pieramahaje Nikałas Madura, paplečnik Čaviesa. Ale Vieniesueła apuskajecca ŭ jašče bolš hłyboki kryzis.

15 sakavika na Biełaruś abrynuŭsia śniehapad, roŭnaha jakomu nie było ŭ historyi. «Chaŭjer» paralizavaŭ ruch na darohach Biełarusi, sotni ludziej načavali na trasach prosta ŭ mašynach, zaniesienych śnieham.

Krasavik

U albomie Belarus Press Photo hrodzienskija ekśpierty znachodziać «ekstremizm». 41 skanfiskavany albom byŭ źniščany.

«Hazpromu» dazvalajuć vyku-pić ziamlu pad aŭtavakzałam «Maskoŭski». Na jahonym miescy rasiejcy majuć pabudavać svoj ofis.

Maj

Kamandu Łukašenki na chakiejnym turniry ŭ Sočy łoviać na machlarstvie. Bolš za pałovu amatarskaj kamandy akazałasia… prafiesijanałami.

Trahiedyja ŭ pryvatnym miedcentry «Ekamiedservis». Pacyjentka Julija Kubarava pamiraje paśla apieracyi pa płastycy nosa. U vyniku rasśledavańnia była zaviedzienaja kryminalnaja sprava i pačaŭsia cisk na pryvatnuju miedycynu.

Na «Jeŭrabačańni» ŭ Šviecyi pieramahaje datčanka Emili de Forest. Biełaruska Alona Łanskaja ŭ finale była tolki 16-j.

Červień

Pa Biełarusi kročyć afrykanskaja čuma śvińniaŭ. U niekatorych rehijonach krainy vyniščajucca ŭsie śvińni, u inšych paraŭnalna spakojna.

Samaja hučnaja avaryja hoda — kala aeraporta «Minsk-2» zhareŭ «Bentli-Kantyniental GT». Aŭto lacieła na chutkaści pad 250 km/h i sutyknułasia z «Falksvahienam-Pasatam», jaki razvaročvaŭsia ŭ niedazvolenym miescy.

Jeŭrasajuz časova zdymaje sankcyi ź ministra zamiežnych spraŭ Uładzimira Makieja.

Konkurs «Mis Minsk», na jakim pieramahła Jania Kancavienka, skančvajecca skandałam. Internet «uzarvali» niaścipłyja fotazdymki ŭdzielnic. Siarod ich paznali i stryptyziorak, i vykanaŭcaŭ pryvatnych tancaŭ, i navat toples-dydžeja. Finał konkursa ŭ efiry tak i nie pakazali.

Lipień

Apieratar «Naftana» Andrej Hajdukoŭ asudžany na 1,5 hoda pazbaŭleńnia svabody ŭ kałonii strohaha režymu. Jaho vinavaciać u zamachu na ździajśnieńnie złačynstva biez prykmietaŭ zdrady dziaržavie. Hajdukova pryznajuć palitviaźniem.

Stanovicca viadoma pra aryšt ksiandza Uładzisłava Łazara. Jamu inkryminujecca «pieradača hrošaj čałavieku, jakoha vinavaciać u špijanažy». Sprava nie zakrytaja dahetul, adnak ksian-dza vypuścili ź izalatara pad padpisku ab niavyjeździe. Ciapier jon słužyć u Vilejcy.

Pačynajecca «kalijnaja» vajna pamiž Biełaruśsiu i Rasijaj. U vyniku zakryćcia «Biełaruskaj kalijnaj kampanii» i straty pakupnikoŭ uhnajeńniaŭ biełaruski biudžet niedaličyŭsia niekalkich miljardaŭ dalaraŭ.

Demarš: litaratary pačynajuć sychodzić adzin za adnym ź dziaržaŭnaha Sajuza piśmieńnikaŭ. Zajavy napisali Andrej Fiedarenka, Aleś Navaryč, Valer Hapiejeŭ, Raisa Baravikova, Alena Masła. Bolšaść ź ich viarnułasia ŭ niedziaržaŭny Sajuz biełaruskich piśmieńnikaŭ.

Pravał BATE — upieršyniu za piać hadoŭ futbalisty nie traplajuć u hrupavy turnir jeŭrakubkaŭ, prajhraŭšy kazacham.

Žnivień

Na tle kalijnaj vajny Uładzimir Pucin i Alaksandr Łukašenka mierajucca… rybaj. Pieršy pachvaliŭsia złoŭlenym ščupakom vahoj 27 kh, druhi praź niekalki dzion — somam vahoj 57 kh!

U minskim SIZA pamiraje aryštant. Chto źbiŭ da śmierci 21-hadovaha Ihara Pcičkina? Adkazaŭ dahetul niama. Akcyju pamiaci Pcičkina razhaniaje milicyja.

28 žniŭnia vychodzić na volu lidar «Maładoha frontu» Źmicier Daškievič. Za kratami jon pravioŭ bolš za 2,5 hoda.

Vierasień

Ad 3 vieraśnia na svabodzie jašče adzin palitviazień — Alaksandr Franckievič.

Alaksandr Łukašenka prapanuje źbirać pa $100 za vyjezd za miažu na zakupy. Adnak zdarovy sens pieramoh: inicyjatyva tak i nie była realizavanaja.

Nieŭzabavie Łukašenka atrym-livaje Šnobieleŭskuju premiju za raniejšyja dasiahnieńni: zabaronu publičnych apładysmientaŭ.

Rasijski apazicyjanier Alaksiej Navalny kidaje vyklik dziejnamu meru Maskvy Siarhieju Sabianinu. Na pieravybarach uładny kandydat nabraŭ usiaho 51%. 28% hałasoŭ, jakija dastalisia Navalnamu, faktyčna nie dazvolili adpravić jaho ŭ turmu. Vyniesieny raniej prysud byŭ zamienieny na ŭmoŭnaje pakarańnie.

Teatr opiery i baleta adkryvaje siezon premjeraj nieadnaznačnaha śpiektakla «Vitaŭt».

28-29 vieraśnia ŭ Žłobinie adbyvajucca «Dažynki».

Kastryčnik

Pravaabaroncy Aleś Bia-lacki i piśmieńnica Śviatłana Aleksijevič akazvajucca siarod favarytaŭ na atrymańnie Nobieleŭskich premij. Adnak pieramahajuć nie jany.

Vydaviectva Ihara Łohvinava pazbaŭlajuć licenzii.

19 kastryčnika vyzvaleny chryścijanski demakrat Pavieł Sieviaryniec.

Pačynaje pracavać spartyŭny kanał «Biełaruś-5».

Uračysta adkryvajecca Pałac Niezaležnaści — rezidencyja ŭ centry Minska, jakaja kaštavała sotni miljonaŭ dalaraŭ.

Listapad

U biudžecie brakuje hrošaj, tamu ŭrad prapanuje ŭvieści «padatak na aŭto». U śniežni ideju zaćviardžaje parłamient.

Samit Uschodniaha Partniorstva ŭ Vilni skančvajecca pieramohaj Rasii. Paśla šantažu z boku Maskvy Ukraina i Armienija admaŭlajucca padpisvać paha-dnieńni ź Jeŭrasajuzam.

Alaksandr Łukašenka inicyjuje sudovuju reformu. Kab jaje ažyćciavić, daviadziecca pravieści refierendum.

Śniežań

U Kijevie prachodzić «Jeŭra-majdan». Biesterminovaja akcyja pratestu praciahvajecca bolš za miesiac. Padčas jaje kijaŭlanie znosiać apošni ŭ horadzie pomnik Leninu.

• 0
• 0
• 0
• 0
• 0
• 0
• 0
• 0