Ad 9 da 12 kastryčnika z čarhovym pres‑turam u Biełarusi budzie znachodzicca vialikaja hrupa supracoŭnikaŭ rasiejskich medyjaŭ. Heta adzin z najbolš masavych desantaŭ pradstaŭnikoŭ ŚMI Rasiei za apošnija hady: biełaruski bok arhanizuje pryjezd i raźmiaščeńnie žurnalistaŭ 72 rehijanalnych i 6 federalnych redakcyj, ź ich 11 — teleradyjokampanii. Usiaho — bolej za sto čałaviek. Ź jakimi metami jany nakiroŭvajucca ŭ Biełaruś?
Arhanizataram turu tradycyjna vystupaje ambasada Biełarusi ŭ Maskvie.
U prahramie vandroŭki — sustrečy z kiraŭnikami dziaržaŭnych viedamstvaŭ, naviedvańnie pramysłovych, sielskahaspadarčych, vajskovych, kulturnych abjektaŭ u Miensku i na Mahiloŭščynie. Jak kaža Natalla Radzina, redaktarka internet‑sajtu «Chartyja‑97», niekatoryja rasiejskija žurnalisty ŭ składzie vialikich pres‑hrupaŭ ciaham apošnich hadoŭ pa niekalki razoŭ naviedvali Biełaruś, što padšturchoŭvaje da peŭnych vysnovaŭ:
«Uvohule nia dumaju, što heta žurnalisty ŭ čystym vyhladzie. Heta chutčej takija «vajažory», jakija atrymlivajuć hrošy za napisańnie chvalebnych artykułaŭ pra Biełaruś. I ŭvohule — heta ŭžo takija svojeasablivyja «biznesoŭcy», a nie žurnalisty».
Pakul nieviadoma, ci zaplanavanaja sustreča rasiejskich žurnalistaŭ z Alaksandram Łukašenkam.
Siarod pradpryjemstvaŭ, z pracaj jakich planujuć paznajomić rasiejcaŭ, —«Biełšyna», «Biełatmit», pivavarnaja kampanija «Siabar», škłozavod «Jalizava», «Ahralink», haspadarka «Hihant». Akramia taho, hości naviedajuć 15‑iu zenitna‑rakietnuju bryhadu vojskaŭ supraćpavietranaj abarony i ŭžo atrymali dazvoł na vizyt u Centralny kamandny punkt Ministerstva abarony. Pad kaniec znachodžańnia ŭ Biełarusi rasiejcaŭ paviazuć u hornałyžny centar «Siličy».
Jak pierakanany namieśnik staršyni Biełaruskaj asacyjacyi žurnalistaŭ Alaksandar Starykievič, vizyt pradstaŭnikoŭ ŚMI Rasiei ŭ Biełaruś moža mieć nie zusim toj efekt, na jaki raźličvajuć biełaruskija ŭłady:
«Składvajecca ŭražańnie, što tut niejkaja fanatyčnaja sproba kamuści štości dakazać. Bo nijakich padstavaŭ lahičnych dla zaprašeńnia takoha desantu ciapier niama. Heta ŭsio mieła sens, kali zachoŭvalisia pretenzii Alaksandra Łukašenki na rasiejski tron u 1990‑ch. Ale ad taho času ŭžo šmat minuła, i siońnia pra heta ŭsurjoz havaryć nie davodzicca. Adziny vynik, jaki moža być — heta, kaniešnie, farmavańnie stanoŭčaha imidžu ciapierašniaha biełaruskaha kiraŭnictva ŭ rasiejskich rehijonach.
Adnak ja nia ŭpeŭnieny, što heta budzie zanadta doraha kaštavać Biełarusi. Maju na ŭvazie navat nie vydatki na pryjezd, raźmiaščeńnie i roznyja zabaŭki kalehaŭ z Rasiei, a toje, što padčas hetaha mierapryjemstva buduć čarhovyja zajavy ŭ piku Kramlu, jakija zdolnyja tolki dadatkova razzłavać rasiejskaje kiraŭnictva. Paśla hetaha košty na haz buduć jašče vyšejšyja».
Sioleta heta treci vizyt žurnalistaŭ z Rasiei ŭ Biełaruś. U paraŭnańni z raniejšymi hadami, pakaźnik vielmi ścipły. Napačatku 2000‑ch vialikija hrupy rasiejskich karespandentaŭ pryjaždžali ŭ Biełaruś pa 6‑7 razoŭ.
-
Łukašenka pačynaje ŭśviedamlać nastupstvy razbureńnia suśvietnaha paradku
-
Sieviaryniec: Taja linija, jakuju viadzie Babaryka — heta nie majo. A z Kaleśnikavaj moža vyraści kłasny biełaruski palityk
-
Bialacki ŭ tekście dla New York Times: Śviet nie pavinien śpisvać Biełaruś jak krainu, jakaja kančatkova adyšła ŭ śfieru ŭpłyvu Rasii
Ciapier čytajuć
«Muž syšoŭ ź Sipłym i Małym». Imavierna, pad Kramatorskam ukraincy adnym macham ubajdosili troch biełaruskich najomnikaŭ18
Kamientary