«Časy źmianilisia». U Hiermanii zaklikajuć da stvareńnia jeŭrapiejskaj atamnaj bomby
Były ministr zamiežnych spraŭ Hiermanii Joška Fišer vystupiŭ z rezanansnaj zajavaj: Jeŭropie nieabchodna ŭłasnaje jadziernaje ŭzbrajeńnie, bo amierykanski jadzierny parason bolš nie źjaŭlajecca nadziejnym.
Były ministr zamiežnych spraŭ FRH ad partyi «Zialonyja» Joška Fišer adkryta vykazaŭsia na karyść jadziernaha pieraŭzbrajeńnia Jeŭropy.
«Jeŭropa pavinna pajści na heta, bo amierykanskija harantyi biaśpieki z hetaha momantu bolš nie źjaŭlajucca nadziejnymi. Hiermanija, biezumoŭna, niasie adkaznaść za lidarstva ŭ Jeŭropie, ale zaŭsiody tolki sumiesna ź inšymi», — zajaviŭ Fišer u intervju Tagesspiegel.
Jon prapanuje sumiesnaje jadziernaje ŭzbrajeńnie dla ŭsich krain ES.
Pavodle jaho słoŭ, było b surjoznaj pamyłkaj razhladać jadziernaje ŭzbrajeńnie jak vyklučna nacyjanalnuju zadaču Hiermanii:
«Hiermanija nikoli bolš nie pavinna dziejničać adna — nikoli. Nam patrebnyja našy jeŭrapiejskija partniory».
Fišer taksama skazaŭ, što kali b jon siońnia byŭ małady, to pajšoŭ by słužyć u Bundeśvier:
«Časy źmianilisia. Nam pahražajuć. My pavinny abaraniacca. Ja i ŭjavić sabie nie moh, što kali-niebudź skažu heta. Usia maja palityčnaja karjera, chutčej, śviedčyła ab advarotnym».
Ciapier čytajuć
«Jak tolki čujuć pra Rasiju — dyk usio… U čym prablema?» U Minsku nie chočuć zdavać kvateru čałavieku z rasijskim pašpartam5
Kamientary