Amal 50% pradpryjemstvaŭ Biełarusi źjaŭlajucca nizkarentabielnymi (z rentabielnaściu prodažu da 5%) abo nierentabielnymi. Ab hetym śviedčać źviestki aficyjnaj statystyki za studzień—listapad 2013 hoda.
Tak, z 8.224 arhanizacyj, vyniki dziejnaści jakich uličvaje aficyjnaja statystyka, 3.140 pradpryjemstvaŭ źjaŭlalisia ŭ studzieni—listapadzie nizkarentabielnymi (mieli rentabielnaść prodažu da 5%), a bolš za tysiaču jurydyčnych asob byli nierentabielnymi.
Vysokaja ŭdzielnaja vaha (vyšej za 30—40%) nierentabielnych arhanizacyj zafiksavana ŭ rybałoŭstvie, tekstylnaj i šviejnaj vytvorčaści. U toj ža čas dola nizkarentabielnych arhanizacyj vysokaja ŭ sielskaj haspadarcy i pramysłovaści — 43,6% i 35,3% adpaviedna.
Treba adznačyć, što siaredniaja rentabielnaść prodažu biełaruskich pradpryjemstvaŭ u studzieni—listapadzie 2013 hoda ŭ paraŭnańni z anałahičnym pieryjadam pazaminułaha źniziłasia — da 7% (suprać 10% za studzień—listapad 2012-ha).
Na dumku Ministerstva ekanomiki, da źnižeńnia efiektyŭnaści pracy pradpryjemstvaŭ pryviało pamianšeńnie tempaŭ vytvorčaści, «rost pastajannych zatrat z-za adsutnaści efiektu maštabu, a taksama niezbałansavanaść u apłacie pracy».
U 2013 hodzie, jak adznačali śpiecyjalisty Ministerstva ekanomiki ŭ štomiesiačnych ahladach, naziraŭsia rost doli zatrat pradpryjemstvaŭ na apłatu pracy, što było abumoŭlena apieradžalnymi tempami rostu zarpłat nad tempami pradukcyjnaści pracy.
U ahulnym abjomie raschodaŭ pradpryjemstvaŭ dola zatrat na apłatu pracy ŭ studzieni—vieraśni skłała 12,3% (suprać 9,6% za anałahičny pieryjad minułaha hoda).
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary