Narviežski piśmieńnik Ju Nieśbio zojmiecca pieravodam pjesy Šekśpira «Makbiet» u prozu, paviedamlaje lenta.ru.
«Makbiet — blizkaja mnie historyja, bo zakranaje temy, ź jakimi ja sutykajusia z tych časoŭ, jak pačaŭ pisać», — kaža Nieśbio. Taksama piśmieńnik zajaviŭ, što jon u svaim tvory źbirajecca addać naležnaje Šekśpiru, a nie raskazanaj im historyi.
«Ja vaźmu toje, što mnie moža spatrebicca, i napišu ŭłasnuju historyju», — skazaŭ aŭtar, dadaŭšy, što ŭ jaho «chopić nachabstva nazvać jaje «Makbiet».
Nieśbio stanie adnym z aŭtaraŭ, jakich zaprasili ŭdzielničać u prajekcie The Hogarth Shakespeare vydaviectva The Hogarth. U ramkach hetaha prajekta niekalki papularnych piśmieńnikaŭ z roznych krain napišuć svaje viersii niekalkich pjes dramaturha, nadaŭšy im sučasnaje hučańnie i z metaj pryciahnuć uvahu da kłasikaŭ.
Ju Nieśbio atrymaŭ suśvietnuju viadomaść dziakujučy sieryi detektyŭnych ramanaŭ pra inśpiektara Chary Chole.
Sieryja pačała vychodzić u kancy 1990-ch. Knihi piśmieńnika pierakładzieny na 40 moŭ i vypuskajucca bolš čym u 100 krainach śvietu. U jaho taksama jość sieryja dziciačych knih pra doktara Proktara.
Ciapier čytajuć
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii3
Kamientary