U Tokia va ŭzroście 91 hoda pamior były małodšy lejtenant impieratarskaj armii Japonii Chiraa Anoda. Jon prasłaviŭsia tym, što admoviŭsia pavieryć u skančeńnie Druhoj suśvietnaj vajny i, vierny prysiazie, jašče 29 hadoŭ zmahaŭsia ŭ džunhlach na filipinskaj vyśpie Łubanh.
Tolki ŭ 1974 hodzie były kamandzir Anody, jaki śpiecyjalna prylacieŭ dziela hetaha na Filipiny, pierakanaŭ stojkaha sałdata skłaści zbroju. Na radzimie jaho sustreli jak sapraŭdnaha hieroja.
Kali Druhaja suśvietnaja nabližałasia da kanca i amierykanskija vojski ŭpeŭniena prasoŭvalisia na poŭnač, lejtenant Anoda apynuŭsia ŭ akružeńni na vostravie Łubanh.
Niahledziačy na adčajnaje stanovišča, małady aficer zastaŭsia vierny prysiazie i try dziesiacihodździ admaŭlaŭsia zdacca ŭ pałon.
Da kanca vajny ŭ padnačaleńni ŭ Anody zastavałasia troje sałdataŭ. Adzin ź ich zdaŭsia ŭ 1950 hodzie, druhi pamior, treci zahinuŭ u 1972 hodzie ŭ sutyčcy ź miascovym nasielnictvam, suprać jakoha atrad Anody pieryjadyčna pravodziŭ rejdy.
Samomu Anodu šmat razoŭ prapanoŭvali zdacca, ale jon kateharyčna admaŭlaŭsia skłaści zbroju.
Paźniej jon pryznaŭsia, što ličyŭ adpraŭlenych da jaho japonskich parłamientaryjaŭ pravakatarami, a ŭlotki z prapanovaj vyjści z džunhlaŭ — varožaj ahitacyjaj.
Być moža, Chiraa Anoda tak nikoli i nie viarnuŭsia b sa svajoj vajny, kali b nie jaho były kamandzir, jakoha ŭłady paprasili vylecieć na Filipiny i asabista addać zahad stojkamu aficeru skłaści zbroju.
U sakaviku 1974 h. Anoda ŭ staroj i znošanaj vajennaj formie, jakuju jon nie mianiaŭ amal 30 hadoŭ, adsalutavaŭ japonskamu ściahu, pieradaŭ svoj bajavy mieč prezidentu Filipin, i jaho vajna na hetym skončyłasia.
Ułady Filipinaŭ pamiłavali jaho — niahledziačy na niezadavolenaść žycharoŭ Łubanha, suprać jakich Anoda vioŭ sapraŭdnuju partyzanskuju vajnu, zabiŭšy ŭ sutyčkach 30 čałaviek.
Paśla zdačy ŭ pałon były aficer adpraviŭsia ŭ Braziliju i pracavaŭ tam na ranča, a zatym viarnuŭsia ŭ Japoniju, dzie arhanizavaŭ kursy pa vyžyvańni ŭ ekstremalnych umovach.
U śniežni 1974 hoda na indaniezijskim vostravie Marataj byŭ vypadkova znojdzieny inšy sałdat japonskaj armii, Teru Nakamura. Praŭda, jon ni z kim nie vajavaŭ, a ŭ poŭnaj samocie mirna apracoŭvaŭ pasievy. Nakamura byŭ rodam z Tajvania, kudy jaho i repatryjavali.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak2020
Kamientary