Mytniki abiacajuć da lutaha narmalizavać transpartny ruch na biełaruska-polskaj miažy
U apošni tydzień na biełaruska-polskaj miažy fiksujucca šmatkiłamietrovyja čerhi. Hruzaviki vymušanyja vystojvać na miažy pa niekalki sutak. Situacyja ŭskładniajecca mocnymi marazami.
Mytnaja słužba Polščy zajaviła, što heta źviazana z arhanizacyjnymi prablemami na biełaruskaj miažy, jakija źjaŭlajucca śledstvam pieradačy ŭnutry krainy mytnaj słužbie Biełarusi prava kantrolu aŭtamabilnaha transpartu i pamiežnaha sanitarnaha kantrolu.
Nahadajem, supracoŭnikam mytnych orhanaŭ z 1 studzienia hetaha hoda ŭkazam prezidenta pieradadzieny funkcyi Transpartnaj inśpiekcyi pa aŭtamabilnym i vahahabarytnyja kantroli na miažy.
Dakumient raspracavany z metaj skaračeńnia kolkaści kantrolnych słužbaŭ na miažy i aptymizacyi ich funkcyj.
Siońnia na pres-kanfierencyi staršynia mytnaha kantrolu Dziaržaŭnaha pamiežnaha kamiteta Uładzimir Arłoŭski spasłaŭsia na niedastatkovuju daśviedčanaść supracoŭnikaŭ i vykanańnie kamitetam nieŭłaścivych funkcyj.
«My pačali pracavać u całkam novym prahramnym pradukcie, jaki spałučany z vykanańniem nie tolki mytnych funkcyj, ale i transpartnaha kantrolu, jak aŭtamabilnaha, tak i vahahabarytnyja. My svaich supracoŭnikaŭ navučali, i jany tearetyčna sprabavali, ale adna sprava vučoba, a inšaje — praca na miescach.
Tamu, viadoma, pieršyja tydni prosta palapšajem navyki pracy ŭ novym prahramnym pradukcie», — adznačyŭ Arłoŭski.
Dla vypraŭleńnia situacyi DMK maje namier kamandziravać na miažu dadatkovuju kolkaść supracoŭnikaŭ mytnaj słužby z mytniaŭ, raźmieščanych unutry krainy.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary