Ideju źmianić nacyjanalny ściah krainy padtrymaŭ premjer-ministr Džon Kiej. Na jaho dumku, zamiest vyjavy ściaha Vialikabrytanii i piacikancovych zorak na ściahu Novaj Ziełandyi pavinna być raźmieščana siarebranaja paparać.
Pry hetym kiraŭnik urada papiaredziŭ, što prapanovu treba vynosić na refierendum. Džon Kiej nie vyklučyŭ, što takoje hałasavańnie moža być praviedziena ŭ 2014 hodzie.
Pavodle słoŭ premjer-ministra, ciapier prykładna pałova žycharoŭ Novaj Ziełandyi ličyć, što krainie patrebny novy ściah.
«Ja vystupaju za madyfikacyju ściaha. Ale treba pamiatać, što heta — nie samaja vialikaja prablema, ź jakoj sutykajecca naša kraina», — dadaŭ Kiej.
Zaraz na dziaržaŭnym ściahu Novaj Ziełandyi ŭ levym vierchnim kucie ŭ jakaści elemienta adlustravany ściah Vialikabrytanii. U pravaj častcy raźmiaščajucca čatyry čyrvonyja piacikancovyja zorki, jakija simvalizujuć hieahrafičnaje stanovišča Novaj Ziełandyi i jakija pradstaŭlajuć najbolš jarkija zorki suzorja Paŭdniovaha Kryža.
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio28
Kamientary