U Paŭdniova-Afrykanskaj Respublicy ratavalniki vyzvalili z-pad ziamli pieršuju hrupu šachcioraŭ. Miarkujecca, jany zajmalisia nielehalnaj zdabyčaj zołata na zakinutaj šachcie.
Vyratavalnyja słužby paviedamili, što padtrymlivali kantakt z hrupaj z 30 čałaviek, jakaja znachodziłasia pad zavałami niedaloka ad uvachodu ŭ šachtu.
Šachciory śćviardžajuć, što ŭ hetaj ža šachcie, raźmieščanaj na ŭschod ad Jochaniesburhu, na hłybini zastajucca jašče nie mienš za 200 čałaviek.
Miarkujecca, što šachciory znachodzilisia pad zavałami z suboty.
Ułady padazrajuć, što šachta pracavała biez dazvołu. Šachcioraŭ nibyta pačuli palicejskija, jakija apynulisia pablizu.
Dla vyratavańnia ludziej było dastaŭlena śpiecyjalnaje abstalavańnie, nieabchodnaje dla rasčystki ŭvachodu ŭ šachtu ad ciažkich kamianioŭ.
PAR zajmaje čaćviortaje miesca pa ekspartu zołata, ale pavodle dadzienych adnaho z daśledavańniaŭ (2008) vyśvietliłasia: štohod kraina hublaje kala paŭmiljarda dalaraŭ ad nielehalnaj zdabyčy zołata.
Kamientary