U Maskvie sumniajucca ŭ lehitymnaści dziejańniaŭ Viarchoŭnaj Rady Ukrainy.
Pra heta zajavili ŭ MZS RF.
« Vyklikajuć hłybokuju zaniepakojenaść z punktu hledžańnia lehitymnaści dziejańni ŭ Viarchoŭnaj Radzie», — havorycca ŭ zajavie.
«Spasyłajučysia faktyčna tolki na «revalucyjnuju metazhodnaść», tam štampujuć «rašeńni» i «zakony», u tym liku skiravanyja na toje, kab pryhniatać humanitarnyja pravy ruskich i inšych nacyjanalnych mienšaściaŭ, jakija pražyvajuć va Ukrainie», — zajavili ŭ Maskvie.
U rasijskim MZS kažuć, što ŭ Radzie «hučać zakliki da amal poŭnaha zabarony ruskaj movy, lustracyi, likvidacyi partyj i arhanizacyj, zakryćcia niepažadanych ŚMI, źniaćcia abmiežavańniaŭ na prapahandu nieanacysckaj ideałohii».
«Uziaty kurs na toje, kab dyktatarskimi, a časam i terarystyčnymi mietadami zdušyć niazhodnych u roznych rehijonach Ukrainy», — zajavili u Maskvie.
Akramia taho, praciahnuli ŭ rasijskim dypviedamstvie, va Ukrainie pačali razdavacca pahrozy adnosna pravasłaŭnych śviatyniaŭ.
«Takoje raźvićcio padziej padryvaje Pahadnieńnie ad 21 lutaha, dyskredytuje jaho inicyjataraŭ i harantaŭ, stvaraje pahrozu hramadzianskaha miru, stabilnaści hramadstva i biaśpieki hramadzian», — padkreślivajecca ŭ zajavie.
Kamientary