Pamior vakalist rok-hurta 3 Doors Down Bred Arnold. Jamu było 47 hadoŭ
U subotu va ŭzroście 47 hadoŭ pamior Bred Arnold, zasnavalnik i niaźmienny vakalist amierykanskaha rok-hurta 3 Doors Down. Pryčynaj śmierci stała ankałahičnaje zachvorvańnie.
U mai 2025 hoda Bred Arnold apublikavaŭ videazvarot, u jakim raskazaŭ pra ciažki dyjahnaz, jaki jamu dyjahnastavali — rak nyrak čaćviortaj stadyi ź mietastazami ŭ lohkija.
«U mianie nie samyja dobryja naviny. Dyjahnaz — rak čaćviortaj stadyi, i heta nie vielmi dobra. Ale viedajecie što? My słužym mahutnamu Bohu, i Jon moža pieraadoleć usio. Tamu ŭ mianie niama strachu. Ja ščyra zusim nie bajusia hetaha. Dumaju, pryjšoŭ čas mnie samomu trochi pasłuchać «It's Not My Time», praŭda?» — napisaŭ jon.
Praz chvarobu hurt byŭ vymušany admianić zapłanavany na leta 2025 hoda tur.
Bred Arnold byŭ adnym z zasnavalnikaŭ 3 Doors Down u 1996 hodzie. Pieršapačatkova jon sumiaščaŭ roli barabanščyka i vakalista. Suśvietnuju viadomaść hurtu prynios chit «Kryptonite», tekst da jakoha Arnold napisaŭ u 15‑hadovym uzroście.
Za svaju karjeru kalektyŭ vypuściŭ šeść studyjnych albomaŭ i byŭ nieadnarazova naminavany na premiju «Hremi».
Pradstaŭnik muzyki paviedamiŭ, što Arnold pamior u śnie ŭ prysutnaści žonki i blizkich.
Ciapier čytajuć
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich4
Kamientary