Bajcy byłoha «Bierkuta» praciahvajuć razhulvać sa zbrojaj na voli.
Upaŭnavažany pa kantroli nad MUS Ukrainy Arsien Avakaŭ učora, 25 lutaha, padpisaŭ zahad №144 «Pra likvidacyju śpiecyjalnych padraździaleńniaŭ milicyi hramadzianskaj biaśpieki «Bierkut».
Adnak tolki ŭ apošnija dni z bazy kijeŭskaha «Bierkuta» źbiehła bolš za 30 bajcoŭ z bajavoj zbrojaj, i ich nie mohuć znajści.
Pa słovach Arsiena Avakava, siłaviki spałochalisia pačatku śledstva i pošuku tych, chto addavaŭ i vykonvaŭ złačynnyja zahady ŭ čas supraćstajańnia z narodam.
Ciapier bazu staličnaha «Bierkuta» ŭziała pad kantrol «afhanskaja sotnia Majdana».
Afhancy pasialilisia na bazie śpiecsłužbaŭ, u spartzale. Jany buduć achoŭvać kazarmy i internaty ad mahčymych pravakacyj, bo bajcam i ich siemjam nibyta pahražajuć.
«Sud pavinien vyznačyć, chto złačyniec, chto vykonvaŭ złačynnyja zahady i chto pavinien nieści adkaznaść», — adznačyŭ kamandzir «afhanskaj sotni» Aleh Michniuk.
Akramia taho, «afhancy» praviaduć reviziju zbroi, što znachodziłasia ŭ rasparadžeńni «bierkutaŭcaŭ». Pavodle ich dadzienych, śpiecnazaŭcy pačali pakidać miežy bazy jašče miesiac tamu, paśla zabojstvaŭ na vulicy Hrušeŭskaha. Usiaho za hety čas u samavołku pajšło kala sotni čałaviek.
Kamientary