Stanisłaŭ Šuškievič prakamentavaŭ zajavu Alaksandra Łukašenki nakont mahčymaha ŭdziełu japonskich specyjalistaŭ u pabudovie AES na terytoryi Biełarusi.
Najchutčej heta palityčnaja zajava. Miarkuju, što takim čynam Łukašenka adhuknuŭsia na inicyjatyvu japonskaha ŭradu ŭtvaryć tak zvanuju zonu roskvitu, u jakuju, pavodle planaŭ japoncaŭ pavinna patrapić i naša kraina. Prahrama dziejańniaŭ praduhledžvaje raźvićcio ekanomiki, biznesu i enerhietyki ŭ tym liku ŭ šerahu krainaŭ. Adpaviedny list razasłała japonskaje MZS.
Što da prapanovy A. Łukašenki, to jana vyklikaje supiarečlivyja pačućci. Z adnaho boku, heta vielmi dobra, bo japonskija AES sapraŭdy vielmi nadziejnyja, a ŭdzieł amerykanskaha boku moža vyrašyć pytańnie syraviny, jakoj Japonija nie maje. Z druhoha boku, heta vielmi darahi prajekt. Kali pry pierachodzie na novyja košty na rasiejskija enerhanośbity Biełaruś sutyknułasia z prablemaŭ pošuku dadatkovych srodkaŭ u pamiery $1,5 młrd., to u dadzienym vypadku havorka viadziecca pra sumu ŭ 5‑6 razoŭ bolšuju. Akramia taho, jak mnie viadoma, amerykancy nie budujuć novych AES, asnoŭnaja praca ŭ hetaj sfery viadziecca vakoł padvyšeńnia efektyŭnaści vykarystańnia ŭžo stvoranych stancyjaŭ.
Ciapier čytajuć
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ8
Kamientary