Frehat «Hietman Sahajdačny» — ścipły, nievialiki fłahman ukrainskaha fłotu. Kali zdarylisia ŭsie hetyja padziei, frehat udzielničaŭ u supolnaj misii siłaŭ NATA i Jeŭrasajuza pa zmahańni ź piratami kala bierahoŭ Samali. Rasijskija ŚMI družna paviedamili, što ekipaž karabla razam z kapitanam pierajšoŭ na bok Rasii i padniaŭ «andrejeŭski ściah». U jakaści krynicy infarmacyi fihuravaŭ sajt «Ukrainskaja praŭda» — adzin z samych prafiesijnych ukrainskich resursaŭ. Adnak spasyłka viała na… fejkavuju kopiju sajta.
Inšyja ŚMI cytavali člena Savieta Fiederacyi RF Ihara Marozava, jaki skazaŭ, što ekipaž «Sahajdačnaha» vykanaŭ rasparadžeńnie Janukoviča — frehat hatovy padparadkavacca rasijskamu boku i idzie ŭ port prypiski Sievastopal. «Ciapier va Ukrainy praktyčna niama fłota», — reziumavaŭ Marozaŭ.
Minabarony Ukrainy abvierhła infarmacyju pra zdradu «Sahajdačnaha». A sami maraki adreahavali na rasijskuju prapahandu z humaram. Jany vystrailisia ŭ formie litar UA na pałubie. Jak tolki ŭźnikła pahroza vajny, «Hietman Sahajdačny» ŭziaŭ kurs na Čornaje mora i pa stanie na aŭtorak pierasiok Basfor, kab uziać udzieł u abaronie bierahoŭ Ukrainy ŭ vypadku ahresii.
Kamientary