U Mienskim mižnarodnym adukacyjnym centry (MAC) imia Jochanesa Rau adbyŭsia 2-i Dysput «Partnerstva ekanomiki i palityki ŭ eŭrapiejskich transfarmacyjnych pracesach: dośvied ziamli Brandenburh».
U forumie ź niamieckaha boku pryniali ŭdzieł premjer-ministar ziamli Brandenburh Macijas Płacek, pasoł Niamieččyny Hiebchard Vajs, a taksama pradstaŭniki Fondu Frydrycha Eberta, Mienskaha MAC i Dortmundzkaha mižnarodnaha adukacyjnaha centru Štefan Chrobat i Manfred Cabel. Biełaruś pradstaŭlali ministar zamiežnych spraŭ Siarhiej Martynaŭ i Mitrapalit Mienski i Słucki Fiłaret. U zali prysutničali pradstaŭniki niezaležnaha hramadztva, apazycyjnych partyjaŭ i niezaležnych prafsajuzaŭ.
Niamieckija hości adznačyli rolu Mienskaha mižnarodnaha adukacyjnaha centru imia Jochanesa Rau ŭ pahłybleńni miždziaržaŭnaha supracoŭnictva. Padkreślivałasia, što Biełaruś, dziakujučy hieapalityčnamu stanovišču, nia maje inšaj alternatyvy, jak ŭzajemadziejańnie z krainami Eŭropy i Niamieččyny.
Pryvitaŭšy ŭdzielnikaŭ forumu, Siarhiej Martynaŭ taksama adznačyŭ rolu MAC va ŭmacavańni biełaruska-niamieckich adnosinaŭ. Jon nahadaŭ, što mižnarodnyja ŭzajemaadnosiny miž Biełaruśsiu i ziamloj Brandenburh biaruć pačatak u časy isnavańnia BSSR i HDR. Najbolš važnym u miždziaržaŭnych stasunkach nakirunkam sp. Martynaŭ nazvaŭ dziejańni pa pieraadoleńni nastupstvaŭ sumiesnaj trahičnaj historyi dvuch krainaŭ.
«U Biełarusi, dzie pracesy ekanamičnaj i palityčnaj transfarmacyi praciahvajucca, vysoka ceniać uzajemaadnosiny z Brandenburham» — zajaviŭ S. Martynaŭ.
Biełaruski bok najpierš cikaviać pytańni padvyšeńnia enerhaefektyŭnaści i resursaźbieražeńnia, stvareńnia akcyjanernych i małych pradpryjemstvaŭ. Nadyšoŭ čas pašyreńnia sferaŭ prahmatyčnaha supracoŭnictva, taho, što nas robić bližej, a nie raźjadnoŭvaje, paviedamiŭ ministar zamiežnych spraŭ. Adnak toje mahčyma tolki ŭ ramkach adkrytaha dyjalohu, jaki źjaŭlajecca našmat bolš efektyŭnym instrumentam na šlachu pieraadoleńnia supiarečnaściaŭ, čymsia lubyja sankcyi i abmiežavańni, padkreśliŭ ministar.
«My spadziajomsia, što ŭ pracesie pošuku novych šlachoŭ našaha ŭzajemadziejańnia z Eŭropaj važny i pryncypovy ŭkład zmoža zrabić mienavita Niamieččyna» — dadaŭ S. Martynaŭ.
Pavodle jaho słovaŭ, Biełaruś hatovaja da supracoŭnictva ź Niamieččynaj va ŭsich sferach, tym bolš, što «abiedźvie krainy nia majuć inšaj alternatyvy».
-
«Hety chłopiec, vidać, padasłany — u jaho boty načyščanyja»: Sieviaryniec raskazaŭ historyju źjaŭleńnia Daškieviča ŭ «Maładym froncie»
-
«Ja ciapier całkam inšy čałaviek». Piśmieńnica Śviatłana Kurs pra rak i svaju fiłasofiju žyćcia
-
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Ciapier čytajuć
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak11
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary