Pałovu svaich šmatlikich miljonaŭ Aryna Sabalenka zarablaje pa-za kortam. Dzie mienavita?
Pieršaja rakietka śvietu, biełaruska Aryna Sabalenka, za apošnija hady pavialičyła nie tolki kolkaść vyjhranych «Vialikich šlemaŭ», ale i kolkaść sponsaraŭ. Pa infarmacyi časopisa Forbes, u 2025 hodzie jana zarabiła 30 miljonaŭ dalaraŭ i zaniała druhoje miesca pa dachodach siarod tenisistak, abyšoŭšy polku Ihu Śviontek i japonku Naomi Asaku. Z hetaj sumy kala 15 miljonaŭ dalaraŭ jana atrymała pa-za kortam, piša Sports.ru.
Jak paviedamlajecca, ciapier ź biełaruskaj tenisistkaj supracoŭničajuć brendy ź jak minimum piaci roznych siehmientaŭ.
U 2023 hodzie Sabalenka stała ambasadarkaj premijalnaj tekiły Maestro Dobel, jakaja źjaŭlajecca sponsaram niekalkich turniraŭ sieryi WTA, uklučajučy US Open.
Brend navat stvaryŭ imianny kaktejl «MarhAryna», natchniony lubimym kaktejlem Sabalenki pad nazvaj «Marharyta». Dobel vykarystoŭvaje akcyi dla fanataŭ — naprykład, źnižki na svaje napoi pry ŭvachodzie ŭ prahramu łajalnaści padčas turniru.
Adnym ź pieršych sponsaraŭ Sabalenki staŭ amierykanski brend Whoop, jaki vypuskaje fitnes-trekier dla adsočvańnia snu, nahruzki i adnaŭleńnia.
Sabalenka nosić jaho ŭžo amal 1200 dzion. U 2025 hodzie jana taksama stała ambasadarkaj šviejcarskaha brenda hadzińnikaŭ Audemars Piguet, jaki vypuskaje luksavaje abstalavańnie, naprykład, hadzińniki z zołata i z dyjamientami za 225 tysiač dalaraŭ.
Jašče adzin sponsar — Oakberry, sietka brazilskich restaranaŭ i kram, jakuju zasnavaŭ bojfrend Sabalenki Hieorhias Franhulis.
Brend prapanuje smuzi i boŭły z pładoŭ asai, i navat stvaryŭ imianny boŭł «Tyhryny» śpiecyjalna dla Aryny, košt jakoha dachodzić da 17 dalaraŭ. Hety napoj składajecca z asai, syrovatkavaha prateinu, hranoły, arachisavaj pasty i kłubnic, źmiaščajučy bolš za 600 kiłakałoryj na 470 mł.
Sponsar ź siehmienta zdarovaha ładu žyćcia — IM8, vytvorca nutryjentnych napojaŭ, saŭładalnikam jakoha źjaŭlajecca były anhlijski futbalist Devid Bekchem.
Sabalenka nie tolki vykarystoŭvaje pradukcyju hetaj kampanii, ale i inviestavała ŭ jaje. Taksama jana supracoŭničaje ź mieksikanskaj firmaj Electrolit, jakaja vypuskaje napoi dla adnaŭleńnia hidratacyi.
Na korcie Sabalenka zaŭsiody ŭ vopratcy Nike i z rakietkaj Wilson.
Praŭda, jaje supracoŭnictva z Nike vyklikaje pytańni: u 2022—2023 hadach jana vystupała ŭ starych kalekcyjach, a pieršy indyvidualny dyzajn atrymała tolki na US Open 2023. Pakul nie maje paŭnavartasnaj rekłamnaj padtrymki Nike, častkova, vidać, z-za nakładzienych na biełaruskich i rasijskich spartsmienaŭ sankcyj.
Aryna Sabalenka prajhrała ŭ Dubai «bitvu pałoŭ»
Sabalenku druhi hod zapar pryznali najlepšaj tenisistkaj śvietu
Sabalenka adkazała, ci źbirajecca jana pierachodzić ź biełaruskaha pad inšy ściah
Aryna Sabalenka raskazała, kali źbirajecca naradzić i na što tracić pryzavyja
Aryna Sabalenka stała druhoj u historyi suśvietnaha žanočaha tenisu pavodle pamieraŭ pryzavych
Ciapier čytajuć
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak12
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary