Krynica: nočču jość vysokaja vierahodnaść šturmu ŭkrainskich častak u Krymie
U noč z čaćviarha na piatnicu vialikaja mahčymaść šturmu ŭkrainskaj častak rasijskimi śpiecpadraździaleńniami.
Pra heta «Ukrainskaj praŭdzie» paviedamili krynicy ŭ siłavych strukturach. «Niahledziačy na paviedamleńni, što ŭ rasiejskich vojskaŭ skončylisia vučeńni, aktyŭnaja faza praciahvajecca. Jany nie viarnulisia ŭ kazarmy. Pik hatoŭnaści zmohuć padtrymlivać da kanca vychodnych», — skazaŭ surazmoŭca.
«Samaja vialikaja vierahodnaść, što šturm budzie ŭ hetuju noč, ale niebiaśpieka budzie zachoŭvacca da kanca vychodnych», — dadała krynica. «Jość try varyjanty raźvićcia padziej. Pieršy — heta avijacyjny ŭdar», — skazaŭ surazmoŭca. Pavodle jaho słoŭ, kali rasijskija vojski stanuć adychodzić ad ukrainskich častak, heta budzie aznačać mienavita taki varyjant. «Viertaloty jany ŭžo pierabazavali, i nie vyklučana, što jany buduć heta rabić mienavita viertalotami», - skazaŭ surazmoŭca UP. «Druhi varyjant — heta siłavaja śpiecapieracyja pa razzbrajeńni», — skazaŭ jon. Surazmoŭca ŭdakładniŭ, što ŭ Krymu znachodziacca rasiejskija śpiecpadraździaleńni «Alfa», «Vympieł» i «Zasłon». «Treci varyjant: mohuć pryjści z błaznami-kazakami jak z žyvym ščytom. Tak zaraz adbyvajecca», — dadaŭ surazmoŭca.
Jon taksama nahadaŭ, što siońnia rasijskija vojski zatapili svoj karabiel, kab zabłakavać šlach ukrainskim. Pa słovach surazmoŭcy, udary mohuć być nie pa ŭsich častkach, a tolki pa tych, jakija źjaŭlajucca samymi bajazdolnymi, u tym liku ŭ Sievastopali i Fieadosii.
Ciapier čytajuć
«Patrabavali, kab ja z kalehami pry dzieciach pa-biełarusku nie razmaŭlała». Ci sutykajucca biełaruskamoŭnyja z bulinham u krainie9
Kamientary