Abiacaŭ zrabić šenhienskija vizy: 15-hadovy padletak ašukaŭ dziasiatki ludziej

15-hadovy chłopiec pradstaŭlaŭsia kurjeram firmy, jakaja dapamahaje atrymać šenhienskija vizy. Jon zabiraŭ pašparty, hrošy. Kamuści pašancavała atrymać šmatrazovy propusk praz zachodniuju miažu, inšyja nie mohuć viarnuć nazad navat svaje dakumienty i niemaleńkija sumy.

«Dziakavać Bohu, dla nas usio skončyłasia dobra: my zabrali pašparty i hrošy. Ale tolki praz 6 tydniaŭ. Maniŭ da taho času, pakul ja nie skazaŭ, što jedu ŭ milicyju. Tady jon zachvalavaŭsia, — raskazvaje Alaksiej. — Jon prapanoŭvaŭ zrabić vizu praz polskaje konsulstva. Ź jaho słoŭ, konsulstva znachodzicca ŭ Breście, tam u niejkaha jahonaha siabra pracuje siastra. Chacia vieryć u heta albo nie, nie viedaju. Jon navat sam pryznaŭsia, što maniŭ. Paprasiŭ prabačeńnia».

Čamu darosłyja ludzi tak spakojna addavali hrošy i dakumienty padletku? Dobra apranuty, z mašynaj. I dakumienty ŭ jaho nichto adrazu nie praviaraŭ — na vyhlad, hadoŭ dvaccać (sapraŭdny ŭzrost vyśvietlili paźniej). U dadatak, firma rekłamavałasia.

«Na žal, mienavita praz rekłamu na staroncy pra padarožžy «Ukantakcie». Paśla paznajomiŭsia z cenami. «Ukantakcie» i pa telefonie davoli dobra kansultavaŭ. I voś vynik… U dalejšyja razborki ŭłazić nie chaču. Kali budzie sprava, to hatovy davać pakazańni», — adznačaje Alaksiej.

Adnym z tych, chto rekłamavaŭ pasłuhi Paŭła, byŭ sajt vandrouki.by. «Pavieł napisaŭ nam: «Dobry dzień, my — maładoje ahienctva, chacieli b pravieści z vami konkurs — hatovyja pieramožcam zrabić biaspłatna šenhien», — raskazvaje redaktar sajta Andrej Mirančuk. — Ja paprasiŭ numar telefona, adras, rekvizity — usio dobra. Pieršy konkurs praviali — pieramožcy sapraŭdy atrymali vizy, voś niadaŭna skončyŭsia druhi. I pačalisia prablemy».

«Užo viadoma pra 23 čałavieki, jakich «kinuli», sumy ad 150 da 1800 jeŭra»,

— dzielicca abnoŭlenymi źviestkami Andrej.

Numary Paŭła nie adkazvajuć. Andrej siońnia jašče paśpieŭ ź im skantaktavacca. «Ja napisaŭ: «Čamu ludzi pra ciabie tak pišuć? Nieadkładna vyrašaj prablemy abo ja pišu, što ty machlar. Adkaz byŭ taki: «Rabi što chočaš».

A zatym pasypalisia pahrozy. Padletak spasyłaŭsia na Słužbu biaśpieki prezidenta, maŭlaŭ, tam daviadziecca raźbiracca. Čamu prykryvaŭsia mienavita Słužbaj biaśpieki? Mahčyma, adkaz u pracy jaho baćki. Jon raniej pracavaŭ u strukturnaj adzincy Kiraŭnictva spravami prezidenta, zajmaŭ vysokuju pasadu ŭ Minabłvykankamie, jašče kiravaŭ budaŭničaj kampanijaj.

Pa słovach Andreja, paciarpiełyja, kali nie atrymajuć nazad pašparty i hrošy, padaduć zajavy ŭ prakuraturu.

• 0
• 0
• 0
• 0
• 0
• 0
• 0
• 0