Biełaruski prezydent dasyłaje ŭ Izrail svajho pradstaŭnika, kab ułahodzić sytuacyju ŭ suviazi z vykazvańniami, jakija ŭspryniali jak antysemickija, piša siońnia izrailskaja hazeta «Jerusalem Post».
Biełaruski prezydent dasyłaje ŭ Izrail svajho pradstaŭnika, kab ułahodzić sytuacyju ŭ suviazi z vykazvańniami, jakija ŭspryniali jak antysemickija, piša siońnia izrailskaja hazeta “Jerusalem Post”. Jak paviedamiŭ vydańniu ŭ sieradu ambasadar Biełarusi ŭ Izraili Ihar Laščenia, Pavał Jakubovič, hałoŭny redaktar prezydenckaj hazety “Sovietskaja Biełoruśsija” sustreniecca z pradstaŭnikami Ministerstva zamiežnych spravaŭ Izrailu i žurnalistami.
Pavał Jakubovič -- habrej pavodle nacyjanalnaści, jaho ličać nabližanaj da prezydenta asobaj, piša “Jerusalem Post”.
Hazeta nahadvaje pra vykazvańni Alaksandra Łukašenki na presavaj kanferencyi dla rasiejskich žurnalistaŭ.
“Kali vy byli ŭ Babrujsku, vy bačyli, u jakim stanie horad. U jaho strašna było zajści! Śvinušnik byŭ! Heta ŭ asnoŭnym byŭ habrejski horad. Nu, vy viedajecie, jak habrei staviacca da miesca, dzie jany žyvuć. Pahladzicie ŭ Izraili…”.
Ministar zamiežnych spravaŭ Izrailu Cypi Liŭni skrytykavała vykazvańni Alaksandra Łukašenki. Jana zajaviła, što “rola kiraŭnikoŭ dziaržavaŭ — zmahacca z antysemityzmam, dzie b jon tolki ni ŭzdymaŭ svaju ahidnuju hałavu, va ŭsim śviecie, a nie zaachvočvać jaho! Antysemityzm — heta najpierš indykatar hramadztva, u jakim jon uźnikaje, i jaho kiraŭnikoŭ”.
Presavy sakratar biełaruskaj ambasady ŭ Izraile Siarhiej Ryčenka skazaŭ, što častka kamentaroŭ Alaksandra Łukašenki była niedakładna pierakładzienaja, piša “Jerusalem Post”.
Ambasadar Ihar Laščenia, jaki pracavaŭ raniej pamočnikam prezydenta, havaryŭ pra toje, što Alaksandar Łukašenka “dobra stavicca da habrejskaha narodu”. Hazeta cytuje biełaruskaha ambasadara, jaki śćviardžaje, što ŭ časie pryvatnych sustrečaŭ Alaksandar Łukašenka nikoli nie vyjaŭlaŭ anytsemityzmu.
Biełaruski ambasadar spadziajecca, što vizyt pasłańnika prezydenta adkryje novy etap u stasunkach pamiž Izrailem i Biełaruśsiu. Vydańnie taksama paviedamlaje pra sustreču ambasadara Laščeni z novym namieśnikam kiraŭnika departamentu Ŭschodniaj Eŭropy i Eŭrazii MZS Izrailu Pini Avivi, padčas jakoj abmiarkoŭvaŭsia vizyt Paŭła Jakuboviča ŭ Izrail. Pini Avivi zajaviŭ, što Izrail prymie prezydenckaha pasłańnika i toje, što jon choča danieści, piša “Jerusalem Post”
Hałoŭny redaktar hazety Administracyi prezydenta “Sovietskaja Biełoruśsija” Pavał Jakubovič nie staŭ adkazvać na pytańnie Radyjo Svaboda nakont jahonaha vizytu ŭ Izrail.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary