U krainie prahałasavali 77% vybarcaŭ, paviedamiŭ Centrvybarkam. Jak tak, ździvilisia mnohija. Cikavuju infarmacyju pra «jak tak» sabrali naziralniki ź Biełaruskaj chryścijanskaja demakratyi ŭ Viciebsku.
«U Viciebsku ludzi masava admaŭlajucca hałasavać pa chatach, — paviedamiła naziralnica aAlena Šabunia, akredytavanaja na 47-m učastku Pieršamajskaha rajona Viciebska. — Va ŭčastkovaj kamisii zajavili, što na hałasavańnie pa chatach zapisalisia 207 čałaviek. Kab ich abyści byli vyłučanyja try hrupy. Na ŭdakładniajučaje pytańnie, kolki ludziej jany maje abyjści kožnaja hrupa i kolki biuleteniaŭ jany atrymali, siabry kamisii adkazali, što nie viedajuć».
Tym nie mienš, Alena Šabunia nastajała na padliku vybarščykaŭ u pieršym śpisie i kolkaści biuleteniaŭ, vydadzienych dla ich.
Vyśvietliłasia, što ŭ śpisie było 69 čałaviek, na jakich płanavałasia vydać 100 biuleteniaŭ dla vybaraŭ deputataŭ harsavieta i 100 - abłsavieta. Paśla hutarki staršynia kamisii była vymušanaja vydać nie 200, a 140 biuleteniaŭ dla pieršaj hrupy. Anałahična dla hrupy pa abychodzie 59 čałaviek byli vydadzienyja 120 biuleteniaŭ, 79-i — 160.
Pa viartańni hrupaŭ na ŭčastak udałosia daviedacca vyniki tolki toj hrupy, jakaja płanavała abyści 59 vybarščykaŭ. Jak vyśvietliłasia, u ich prahałasavali tolki 16 čałaviek, tady jak niekatoryja prahałasavali raniej, niekatoryja jašče pojduć, a pryblizna 5-6 čałaviek zajavili, što nie buduć hałasavać uvohule. Aproč taho, na ŭčastak prychodziŭ adzin z vybarščykaŭ, jaki skardziŭsia, što da jaho prychodziać ludzi i prosiać prahałasavać, chacia jon hałasavać nie źbirajecca
«Na maim učastku zarehistravanyja 2175 vybarščykaŭ. I ličbaj u 207 žadajučych prahałasavać na chatach, što składaje amal 10% ad ahulnaj ličby, peŭna, chacieli pavialičyć jaŭku», — adznačaje Alena Šabunia.
Kamientary