Ciapier kolkaść haładoŭnikaŭ-pracaŭnikoŭ Babrujskaha zavoda traktarnych detalaŭ i ahrehataŭ uzrasła da siami čałaviek. Pryčyna haładoŭki — nievykanańnie administracyjaj pradpryjemstva dasiahnutych 24 studzienia damoŭlenaściaŭ z prafsajuzam pra pačatak pieramovaŭ pa kalektyŭnaj damovie.
Nahadajem, 25 sakavika staršynia pieršasnaj arhanizacyi Svabodnaha prafsajuza Biełaruskaha (SPB) Michaił Kavalkoŭ i jašče čatyry rabotniki zavoda — Siarhiej Pičuhaŭ, Iryna Koršunava, Hienadź Łabačoŭ, Aksana Kiernažyckaja — abviaścili trochdzionnuju papieradžalnuju haładoŭku. Pryčynaj jany nazyvajuć nievykanańnie administracyjaj pradpryjemstva dasiahnutych 24 studzienia damoŭlenaściaŭ z SPB pra pačatak pieramovaŭ pa kalektyŭnaj damovie. Z ranicy da akcyi dałučyŭsia Viktar Vosipaŭ, a taksama dvoje raniej zvolnienych zavadčan: Vital Sadoŭski i Alaksandr Nikitka.
Ab svaim rašeńni dałučycca da haładoŭki paviedamiŭ pracoŭny BZTDiA Alaksandr Bienasik.
«Nadakučyła ciarpieć usiu hetuju chłuśniu i padman», — skazaŭ jon.
Michaił Kavalkoŭ pravodzić haładoŭku na prachadnoj zavoda, astatnija — na svaich pracoŭnych miescach.
Pavodle słovaŭ Hienadzia Łabačova, nijakaj reakcyi z boku administracyi na haładoŭku nie było, za vyklučeńniem zvarotaŭ z pytańniem, ci sapraŭdy jany ŭdzielničajuć u akcyi.
Raniej paviedamlałasia, što 23 studzienia Michaił Kavalkoŭ nakiravaŭ list kiraŭnictvu BZTDiA, ministram pramysłovaści, pracy i sacyjalnaj abarony, staršyni Babrujskaha harvykankama i prakuroru Pieršamajskaha rajona Babrujska. Jon vysunuŭ šerah patrabavańniaŭ, a mienavita:
Spynić pieraśled rabotnikaŭ pradpryjemstva za ŭdzieł u dziejnaści SPB i ŭstupić u pieramovy z prafsajuznaj piarvičkaj pa vypracoŭcy i padpisańni kalektyŭnaj damovy; likvidavać dyskryminacyjnyja punkty kalektyŭnaj damovy i raspaŭsiudzić jaje dziejańnie na ŭsich pracaŭnikoŭ zavoda; zabiaśpiečyć staršyni piaršoŭki bieśpieraškodny dostup na pradpryjemstva.
Kamientary